[هيفولا]

طريقة جديدة لعمل البيتزا

من الدكتورة /ولاء صلاح

السلام عليكم ورحمة الله وبركاته

هقولكم طريقة عمل البيتزا
وشرحي للطريقه هيكون مطابق للصور إن شاء الله
بالترتيب

اول حاجه هنحط 2 كوب ماء دافئ في طبق غويط (صوره رقم 1 )

بعد كده هنحط عليه 2 كيس خميره فوريه(صوره رقم 2 )

بعد كده هنحط ملعقه ملح (صوره رقم 3 )

ونقلبهم (صوره رقم 4 )

ونغطيها ونسيبها شويه لغاية لما تخمر ممكن ربع ساعه
او اقل او اكتر المهم تسيبوها لما تخمر
ده منظرها بعد ما خمرت (صوره رقم 5 )

هنجيب كيلو ونص دقيق ونحط عليهم ملعقة ملح
ونص كوب زيت (صوره رقم 6 )

ونبتدي نعجن (صوره رقم 7 )

هنا ممكن تعرفوا ان العجينه كويسه عن طريق انكم تشيلوها من الطبق
وهتلاقوها مش لازقه في الطبق
وبعد كده هنغطيها بعد كده بفوط
ونسيبها شويه تخمر (صوره رقم 8 )

هنا بعد ما خمرت العجينه (صوره رقم 9 )

هنجيب صينيه ونرش عليها دقيق (صوره رقم 10 )

هنبتدي ناخد حته من العجينه ونكورها
ونحطها في الصينيه (صوره رقم 11 )

هنا بعد ما عملنا كل الكور (صوره رقم 12 )
هنغطيها بفوطه مبلوله (صوره رقم 13 )
ليه ؟؟؟؟؟؟؟؟؟؟؟؟
عشان العجينه ما تشققش لأننا في الصيف
لكن في الشتا مش لازم تكون مبلوله

وحاولوا تحطوها فوق البوتاجاز وولعوا الفرن وقتها
عشان الحراره اللي هتطلع من الفرن
هتخليها تخمر كويس

نيجي بقى للحشو اللي هيتحط على الوش
هنقول الاول مكوناته

فلفل اخضر الوان متقطع حتت كبيره مش صغيره (صوره رقم 14 )

زيتون اسمر واخضرمتقطع حتت بردوا (صوره رقم 15 )

طماطم متقطعه حتت او لو كانت ناشفه قطعوها مكعبات (صوره رقم 16 )

لانشون بالزيتون طازج بردوا متقطع (صوره رقم 17 )

جبنه رومي متقطعه شرايح (صوره رقم 18 )

ممكن نبشر الجبنه وممكن نستخدم جبنه موزاريلا

وهنستخدم كمان صلصة طماطم وصلصه فلفل احمر

ودي العجينه بعد الحمد لله لما خمرت (صوره رقم 19 )
وكل ما تسيبوا العجينه تخمر كل ما يكون احسن

بعد كده هنجيب صينيه وندهنها زيت (صوره رقم 20 )

ونحط الكور فيها ونبططهااو نفردها بمعنى تاني (صوره رقم 21 )

المفروض قبل ما بتحطوا الخلطه بتحطوا زيت بسيط على العجينه
لكن إحنا محطيناش عشان صلصه الفلفل فيها زيت

هنحط الاول صلصة الطماطم (صوره رقم 22 )

بعد كده صلصة الفلفل الأحمر (صوره رقم 23 )

ونفردهم على العجينه بس خلوا بالكم ما تجيبوش الصلصه
عند الجوانب عشان ما تخرجش برا العجينه وتتحرق (صوره رقم 24 )

هنرش الطماطم عليها (صوره رقم 25 )

بعد كده اللانشون (صوره رقم 26 )

بعد كده الفلفل الالوان (صوره رقم 27 )

بعد كده الزيتون الاخضر والاسود (صوره رقم 28 )

بعد كده الجبنه الرومي وخلوا بالكم تخلوها في الاخر
عشان تبقى سايحه على الوش (صوره رقم 29 )

بعد كده بإيدكم وبخفه تضغطوا على المكونات دي كلها
عشان متبقاش عاليه اوي و كده بعد ما خلصناها (صوره رقم 30 )

هنحطها في الفرن اللي احنا شغلناه قبل كده
ونوطي بقى على الفرن
وهنخلي الحراره متوسطه
وبعد ما نحس انها استوت هنشغل الشوايه عليها
عشان الحاجات اللي فوق الوش تستوي هى كمان
بس اوعوا تتحرق منكم
ده شكلها بعد ما طلعت من الفرن (صوره رقم 31 )

هتلاحظوا ان الجبنه سايحه على الوش
وبعد ما قطعتهاوصوره من الجنب
عشان تشوفوا سمكها (صوره رقم 32 )

على فكره الكميه دي عملت عشر بيتزات

و بألف هنا وشفا عليكم