[هيفولا]

ألذ سمبوسه بف
بمقادير مضبوطه وسريعه ... صور


حبيت اشارككم رمضان ان شاء الله بسمبوسه البف حقتي
ان شاء الله تجربونها وتعجبكم

المقادير بالضبط :
3 كاسات دقيق
3 ملعقه كبيره زيت
1 ملعقه صغيره ملح
كاس مويه كامل
بيضه

تعجنينهم سوا
الين تصير عجينه قاسيه شوي
تقسمينها وتخلينها ثلث ساعه ترتاح



وبعدين تبدين عليها الشغل

استخدمت هالقطاعه لانها اسرع
اخذتها من اميمتي ربي يطول بعمرها ان شاء الله قولو امين
وهي شاريتها من سنين جدي من محلات المواعين الكبار



الحشوه : ( تاخذين اللحم المفروم وتحطينه بمقلي بدون اي شي معه مجرد اللحم
وتخلينه الين تنزل مويته ويستوي لحاله بدون اي اضافات مع التحريك المستمر طبعا
بعدين تجيبين بقدر صغير بصل تحمسينه الين يذبل
حطي عليه اللحم وحركيهم سوا الين تمسك الريحه فيه
حطي بهار اللحم + شوي كمون + ملح وفلفل اسود
طفي النار وحطي البقدونس المفروم ولك الخيار لو حابه بقدونس
او كزبره او شبت او بصل اخضر او كراث )
وطبعا تقدرين تفرزنين الحشوه

فردت العجينه وحطيتها عالقطاعه


..
حطيت الحشوة


..
غطيتها بعجينه بعد



..
مررت عليها الفراده او النشابه مثل ماتسمونها



ومن مره وحده ماشاء الله طلع لي 16 حبه
رشيت الصينيه بدقيق وصفيتهم

وهنا من مرتين



خليها شوي ترتاح وبعدين اقليها

وكل عام وانتم بخير