07-29-2016, 06:15 AM
|
|
Super Moderator
|
|
تاريخ التسجيل: May 2010
المشاركات: 7,422
|
|
طاجن العكاوى المصرى بالبطاطس
طاجن العكاوى المصرى بالبطاطس
حصرياً من مطبخ نور الهدى بالصور
السلام عليكم ورحمه الله وبركاته
النهارده حقدم لكم اكله مصريه اصيله
تتميز بالدسامه والفائده فى نفس الوقت الا وهى
العكاوى
نبذه عن العكاوى
العكاوى عباره عن ذيل العجل
يفضل يكون كندوز وهى عباره عن فقرات
بعد سلخها بيقطعها اللحام او الجزار لانه عارف مقاس كل فقره بالظبط
وتقريبا بتكون 3 سنتيمتر ولحم العكاوى من اطعم انواع اللحوم
ومفيده للعظام وزياده الخصوبة
المقادير
عكاوى مقطعه
بطاطس مقطعه مكعبات
2 كوب طماطم معصورة ومصفاة
2 بصله مقطعه مكعبات
ملعقه توم مفروم
توابل ( ملح فلفل ورق لورا حبهان مستكه
الطريقه
هنا العكاوى مقطعه
نغسلها كويس زى ما بنغسل اللحوم بالظبط
وفى صنيه نضع الزبده
ونضيف الحبهان والمستكه ونضع قطع العكاوى
ونشوحها لمده عشر دقائق مع التقليب المستمر
وبعدها نضيف الماء ويغطى العكاوى بشكل كافى
ونتركها عالنار حوالى ساعه لانها بتحتاج وقت طويل فى النضج
وفى الوقت ده نجهز الصلصه الى عباره عن بصل مشوح
فى قطعه زبده وتوم وطماطم وعند بدء الغليان نطفى النار
وهنا وضعنا البطاطس مع العكاوى فى طاجن
ونصب الصلصه اللى جهزناها وبهرناها بالتوابل
ونغطى الطاجن ويترك ساعه اخرى فى الفرن
وده شكله بعد ما البطاطس والعكاوى نضجوا
يارب طاجن العكاوى يكون عجبكم
وعاوزه اقول لكم فيه ناس بتحبه بخضار مشكل
وممكن بالفريك وممكن بلسان العصفور
يعنى لك حريه الاختيار
وهى سهله وبسيطه وزى ما قلت مفيده جدا
الف هناوعافية
هيفولا
|
العرض العادي
