[هيفولا]

فتة شاورما لحمة بالصور

اول حاجة بحب احضرها هى الثوميه

واحطها فى الثلاجة عشان تتمازج نكهاتها كوي

هنحتاج

1 كوب زبادى

كوب الا ربع مايونيز

1 معلقة كبيرة عصير ليمون

1 معلقة كبيرة توم مفروم ناعم

3 معالق كبار لبن رايب

هنا حطينا الزبادى


بعد كده حطينا التوم والمايونيز وعصير الليمون واخلطيهم كويس

ضبطى الملح بتاعها

انا بحب احط لبن رايب عشان اخفف سمكها شوية

مش بحبها صوص تقيل ولا خفيف اوى

وفيك تتحكمى فى سمكها زى مانتى عايزة
وكده خلصنا عمل التومية
هتحطيها فى علبة مقفولة وفى التلاجة لحين الاستخدام

تانى حاجة العيش المحمر

انا هنا قطعت 5 خبز لبنانى مربعات صغير

قليته فى الزيت وخدى بالك بيتحمر بسرعه جدددددددددددا

تالت حاجة تحضير الشاورما

مقاديير تتبيلة الشاورما

1/2 كيلو لحم مقطع شرائح

1 معلقة كبيرة زبادى

باكيت توابل شاورما

1/4 معلقة صغيرة قرفة

3 معالق كبار زيت ذرة

اخلطيهم كلهم مع بعض وانقعيهم شوية فى التتبلة دى

دى شكل توابل الشاورما اللى انا استعملتها العلبه فيها 2 باكيت



حطى طاسة تيفال على النار وسيبيها تسخن اوى



بعد كده حطى الشاورما على نار عالية وسيبيها

هتلاحظى انها بدئت تنزل ميتها كده

''

هتسيبيها على النار مع التقليب كل شوية

لحد ماتشرب تتبيلتها وتنشف ميتها

هترجعى تحطى ربع كوب ماء تانى وتسيبيها تستوى على نار هادية

عشان تضمنى ان اللخمة تستوى كويس وبرضه لحد ماتنشف ميتها خالص

وكده استوت اللحمة وجاهزة لاضافة الطماطم والبقدونس

بس انا مش هضيفهم دلوقتى

هضيفهم عند التقديم عشان الطماطم متتهريش

رابعا الارز

مقاديير الارز

2 كوب رز بسمتى مغسول ومنقوع
1 معلقة صغيرة كركم
1 معلقة صغيرة كارى
2 معلقة كبيرة زيت ذرة
2 مكعب مرقة دجاج

حطى الحلة على النار

حطى الزيت

حطى الرز وشوحيه شويه

حطى الكارى والكركم وقلبي كويس

بعد كده افركى مكعبات مرق الدجاج

هتحطى الميه يدوبك تغطى الرز

هتسيبيه على نار عاليه لحد مايشرب ميته بعد كده هتوطى النار وتحطى الشياطة وتسيبيه يستوى براحته

وده الرز بعد ما استوى

نرجع تانى للشاورما

هنحتاج

2 حبة طماطم متوسطين مقطعى مكعبات

1/2 كوب بقدونس مفروم

رجعى الشاورما تانى على النار وسخنيها وبعد كده ضيفي الطماطم والبقدونس

قلبيهم مع بعض كويس وبعد كده ابعديهم عن النار

عشان الطماطم متتهريش وكده الشاورما بتاعتنا جهزت

كده جهزنا كل حاجة

نركب بقى الطبق بتاعنا

هنجيب صينية بايركس

اول طبقة هنحطها العيش المحمر

بعد كده الرز

وااخيرا الشاورما

وزينيه بصوص الثومية

وصحتين و عافية