[هيفولا]

الذ ساندويتش برجر







ازيكوا يا قمرات
جايبالكوا النهارده اكله امممممممممم تجنن وسهله جدا وموفره جدا جدا


وهي البرجــــــــــــــــــــر



بصوا بقي انا كنت سمعت طريقه من شيف في التليفزيون
وجربتها وكان طعمها حلو بس المره دي جبت تتبيله للهامبورجر
جاهزة من السوبر ماركت


بصراحه فعلا استحاله تفرقي بين طعم الهامبورجر
بالتتبيله دي والهامبورجر الجاهز .



المقاديـــــر



1/2 كيلو لحم احمر مفروم
علبة توابل سبايسي للبرجر

الطريقـــــــه
* نضع 1/2 كيلو اللحمه المفرومه وعليها كيس واحد من العبوة
علشان العبوة فيها كيسين يكفي كيلو لحم .



* نعجنهم مع بعض كويس جدا .



* نجيب كيس بلاستيك ونحطه على الرخامه
ونكور قطع اللحم بالحجم المناسب .



* نفرد قطعة اللحم بحيث تكون متوسطة السُمك
ومش رقيقه ونقطعها بقطاعه واسعه
ولو مش متوفره يبقي بطبق او كوب واسع .



* نحطهم في طبق ونحط من بين كل راقه والثانيه كيس بلاستيك او ورقة زبده .



* ونحطهم في الفريزر لحد ما يجمدوا خالص .



* نسخن طاسه تيفال او جريل ونحط معلقه واحده زيت
ونحط البورجر بدون تقليب لحد ما يتحمر
وبعدين نقلبه على الناحيه التانيه .






* نجهز العيش " للاسف ماكنش عندي كايزر-عيش مدور-
فعملته في الباجيت-الصامولي- العادي
بس قطعت قطعة الهامبورجر نصين " نحط خيار مخلل ومسطرده وخس
وبعدين البورجر وعليه طماطم وكاتشب وقعة جبنه شيدر او فلمنك
ونكون مسخنين الفرن شويه ونحط العيش فيه لمجرد الجبنه تسيح بس .









وبالف هنا وعافية
احلي برجر ممكن تاكليه في حياتك
وعلى ضمانتي





هيفولا