المستشار نبيل جلهوم | ||
المهندس عبدالدائم الكحيل | الدكتور عبدالله بن مراد العطرجى | بطاقات عطاء الخير |
دروس اليوم | أحاديث اليوم | بطاقات لفلي سمايل |
|
تسجيل دخول اداري فقط |
المعجنـات والساندويتشات بالداخل أقسام فرعية متعددة |
انشر الموضوع |
|
أدوات الموضوع | انواع عرض الموضوع |
#1
|
|||
|
|||
بنت الصحن ...فطيرة الصينية ...
بنت الصـحن ...فطيرة الصينية ... بنت الصحن : اسمها عندنا فى مصر فطيرة الصينيه ومشهورة اكتر فى الصعيد بس مع اختلافات بسيطة وهى انها بدون حبة البركة وبتكون بالشربات بدل العسل ولقيت وصفات على اليوتيوب لمنال العالم وشيف اسامة ووصفات لبنات الخليج وتقريبا المكونات واحده واخترت الطريقه دى والحمد لله نجحت جدا وكانت سهله والاهم انها عجبت جوزى ولانه مش من محبى الحلويات اتبسطت جدا الحمد لله وبقا بيطلبها منى اكتر صنف نشوف الصورة النهائيه ليها كنت عاملاها فى شهر رمضان المعظم ونرجع نشوف الصور والطريقه من البداية الصورة هنا من موقع منال العالم شوفوا بتاعتى اجمل ازاى وهنا مع كيرلى سينابون عملته من بواقى العجينه المكونات : 2و1/2 كوب دقيق ابيض +رشة ملح +1م ص خميرة فوريه 1بيضه كبيرة +فانيليا +ماء دافئ للعجن +1/2 كوب سمنة مذاب (مكسرات حسب الرغبه ودى اضافه من عندى ) ينخل الدقيق ويضاف الملح والخميرة والبيضه والفانليا (انا باستعمل فانيليا سوداء) ويضاف الماء الدافئ بالتدريج مع استمرار العجن يضاف ربع كوب من السمنه ويعجن جيدا (والربع الاخر نحطة بين الطبقات بعدين) قد تحتاج لدقيق اكتر حسب العجن المهم ان تكون العجينه طريه ومتماسكة تترك لترتاح ربع ساعه مع دهنها بالسمنه وتغطيتها تعجن مرة اخرى بعد ذلك وتقطع الى 12 كورة متساويه او 16 تفرد اول كرة على دقيق او سمنه انا فردت الاولى على الدقيق بس كانت سميكة نوعا ما عملت الباقى على سمنه مذابه زى الفطير كانت هايله الحمد لله والفرق واضح فى الصورتين !! وباقطع الاطراف بحيث تكون الفطيرة مدورة على قد حجم الصينيه ونحتفظ بالزيادات على جنب هنعمل منهم كيرلى تدهن صينيه بالسمنة و نضع اول فطيرة وترش بالسمنه وانا اضفت من عندى المكسرات المفرومة وسمسم وجوز هند نكمل بنفس الطريقه بين كل طبقه واخرى رشة خفيفه من السمنة زى الجلاش ..والمكسرات على حسب الرغبه وممكن نرش السمنه وقطع من الجبنه بين الطبقات ماعدا اخر طبقه تدهن بصفار بيضه وفانليا او بيضه كامله وفانليا ويرش الوجه بحبة البركة وده اساسي ونسيبها تخمر ربع ساعه تدخل الفرن الساخن مسبقا فى البدايه ربع ساعه ونهدى النار لمدة ساعه عشان الطبقات تستوى من جوا لانهم 12 طبقه (على حسب فرن كل واحده ممكن اقل ) بعد النضج والاحمرار . .رفعت الطبقات بسكينه لقيتها استوت الحمد لله المفروض نسقيها بعسل نحل. ممكن شربات متوسط الكثافه: ويكون بارد 2 كوب ماء و2 كوب سكر ومعلقه ليمون وفانيلا ونسقيها وهى سخنه ونغطيها شويه عشان تتشرب يا جمالها بعد التقطيع من جوا وووواااااوووووووو ودايبه وجميله الف هنا وعافية هيفولا |
|
|