[هيفولا]

-6-

شربة لسان العصفور حق البخاريه وبالصور

اليوم اوريكم شربة لسان العصفور حق البخاريه
مو الجاهز حق السوق لا هادي حقتنا احنا البخاريه نسويها في البيت
ونسميها بالبخاري (قشقش تلي) او ( الأُقره)
صعبه صح هههههه
بس ابغى اعلمكم الاسماء حقها بالبخاري علشانه تراث هههه طولت سامحوني

العجينه وتتكون من كالعاده
دقيق ومويه وملح وتكون عجينه قاسيه

بعد ماترتاح نفردها بالماكينه واحد وثلاث وسبعه
وبين كل فرد وفرد نرش دقيق


الين مايصير خفيف زي كده

بعد مانخلص المقدار نتركه ينشف بس مو مره قاسي يصير لا ينشف
واقدر اقطعه بالسكين ومايلصق العجين مع بعض
ان نشف جهه اقلبه على الجهه الثانيه

بعدين اقصه مستطيلات متساويه حوالي العرض اربعه سنتم كما في الصوره

واحطه فوق بعض حوالي خمسه سته مستطيلات



وبعدين ابداء اقص بالسكين مثلثات صغيره كما في الصوره

شوفي السكين كيف لازم يكون

وهادي الشكل

وهنا الشكل النهائي

لازم تبعديهم عن بعض علشان ينشف مزبوط دحين وتقدري تفرزيه

متى ماتبغيه تطلعيه وتحطي في المرقه وياسلام

المرقه كشني بصل وحطي عليه لحم وقلبيه وبعدين حطي عصير طماطم

وقليل من الصلصه وملح انا علشان حطيت كلهم في قدر الضغط

ماصورت علشان اسويه بسرعه

ولمن يستوي اللحم احط من العجين المقدار اللي ابغاه

واتركه على النار لمدة عشره دقائق

ويستوي لانه العجين خفيف وصغير

واقدمه انا اليوم قدمته مع رز بالحمص

بعد ماحطيت فيه كزبره خضراء مفرومه

• 
  

الف هنا وعافية

تابعوني