[هيفولا]

الحمام المحشى

سهل وسريع وكمان وجبة مغذية لجميع افراد الاسرة


{1} حمام متنضف الكمية اللى تكفيكى
{2}كوبايتين رز مصرى
{3}ملح وفلفل اسود
{4}بصلتين كبار


نغسل الحمام كويس جدا عشان الظفارة
بالملح والدقيق والليمون وفى الاخر برش عليه شوية فلفل اسود
وادعكه من برة ومن جوة بيه



نغسل الرز ونبشر البصل ونشوحه فى معلقة زيت درة او زبدة حسب الرغبة
ولما يتدبل ننزل عليه بالكبد والقوانص ونقلبها تقلبتين لحد ماتدبل وتسبيها شوية على الهادى



ننزل معاها الرز ونقلبه ونضيفله الملح والفلفل كترى ماتخافيش
هو بيحب الفلفل الاسود بيخلى طعمه تحفة


ونسيبه دقيقتين على النار الهادئة مع التقليب عشان مايلزقش
وبعد كدة تنزلى الرز وتبدئى تحشى الحمام



وبعد مانخلص حشو الحمام نخيطها
وبعدين جهزت الماية تغلى لسلق الحمام تسقطى فيها بصلة وورق لورا وحبهان
وتنزلى الحمام فيها على ظهرها واول ماتغلى ماية السلق توطى النار
عشان مايتفتحش منك واهم حاجة انك تكونى مساوية الرز جواها
عشان يستوى ويطلع جميل وبياخد فى سواها حوالى نصف ساعة
انا حمرته فى الفرن دهنته معلقة صلصة ونصف معلقة سمن بلدى
ودخلته الفرن واتحمر وشه وظهره

والشوربة سويت بيها الرز الباقى بيبقى طعمه روعة
وطلع جنان شايفين شكله مفلفل وروعة بنحبه جدا



الف هنا وعافية
هيفولا