[هيفولا]

مكرونة بشاميل بقوالب السوفلية لكل شخص

لكن تقدري تعملي نفس الطريقة بصنية كبيرة بس زودي المعااير
- الطبقة الأولى / اي نوع مكرونة تقريباً ربع باكيت ويفضل الي شكلها مربعة , نسلقها ونصفيها من الموية



- الطبقة الثانية / الحشوة / نحمس بشوي زيت , نص بصله مقصصه صغار
+ فص ثوم مفروم + لحم مفروم نص كاس تقريباً او اقل
+ بقدونس وكزبره مفرومين + ملعقه صغيره بهارات مشكله + ربع قطعه ماجي وملح وفلفل وبابريكا
ونخليهم لما تستوي اللحمة + نضيف ربع الى ثلاث ارباع كاس مويه + ربع علبة صلصة طماطم
ونخليهم لما يتسبكون شوي !



بس مو نخليها ناشفه لا حلو يكون فيها شوي صوص ونتأكد من الملح ونحطهم بصحون السوفليه ونكثر

- الطبقة الثالثه / قطع جبن موزاريلا , مو نبشرها لا نقطعها عشان تطلع احلى



- الطبقة الأخيرة / صلصه باشاميل انتي وطريقتك عاد تقريباً بتحتاجين 5 ملاعق كبيره بس

وندخلها الفرن شوي من تحت ونحمرها من فوق ونرش عليها اوريقانو ..

الف هنا وعافية

هيفولا