[هيفولا]

تعالوا نغير السندويتشات

مقادير العجينة
*************
1- 4/3 كيلو دقيق ( كيلو الا ربع )
2 - 3 معالق زيت كبيرة او فنجان صغير
3 - معلقة سكر كبيرة
4 - نص معلقة ملح صغيرة
5 - لبن بودرة معلقتين كبار
6 - نص معلقة صغيرة محسن خبز
7 - معلقة كبيرة خميرة فورية
8 - ماء دافىء للعجن



الحشو جبنة اى نوع انا حشيت رومى وبسطرمة
وعملتة بشيكولاته المطبخ ومربى وعجوة
كان جميل اوى
ممكن نحطى اى حاجه ولادك بيحبوها



للوجة بيضة ، سمسم ، حبة البركة ،
وممكن سكر للحلو او بيض كفاية



ضفنا الخميرة والسكر واللبن البودرة و الملح على بعض وقلبتهم
وبعد كده حطيت الدقيق ومحسن الخبز والزيت



وعجنتهم والصور بعد كده هتوضح
اللي انا عملته بالتفصيل



هنا غطتها وسبتها تخمر



وهنا بعد ما اتخمرت شايفين حجمها كبر ازاى
وعجنتها تانى علشان النتيجه تكون احسن



وقسمتها نصين وفردتها ممكن تعملى احده حلو بالشيكولاته
وواحده مالح وتفرقى بينهم باللي هترشيه على الوش
سكر سمسم حبة البركه



وهنا قسمتها اربعه
وكل ربع قسمته اتنين علشان تبقى متساويه



وهنا حطيت الحشو على الطرف



وهنا لفتها من بره لجوة كده



وكررت نفس الخطوات مع نص العجينه التانيه بس تحطى الشيكولاته

وهنا رصتهم فى الصنيه المدهونه زيت
ودهنت الوش بيض ورشيت عليهم سمسم و حبة البركه




وغطتهم تانى وسبتهم يخمروا فى الصنيه ده مهم اوى



وهنا بعد ما اتخمروا
وكنت سخنت الفرن وهحطهم



وهنا بعد ما استوا ايه رأيكم



ايه رايكم
اعملوه
وهيعجب الاولاد اوى
اكتر من السندويتشات




الف هنا وعافية

هيفولا
فى امان الله