[هيفولا]

ملكة السفره الرمضانيه (السمبوسه )
خطوه بخطوه بالصور ..

السلام عليكم ورحمة الله وبركاته ..

عاد كله ولا السمبوسه...
إذا غابت عن السفره بتصير قضيه .
يمكن مايحسون بالطقوس الرمضانيه .

عيلتنا ماتهضم الرقائق الجاهزه ابدا أبدا ...
وطول عمرنا ماناكل الا الرقائق المحضره بالبيت .

جربت سويتز تشرب زيت ومو هشه كفايه ،
مافي أفضل من الرقائق اللي تحضر بالبيت .

احب الرقائق اللي يكون لونها ذهبي بعد القلي ،
وماتشرب زيت ، ورقيقه ، وتكون هشه عالآخر
. يعني لما تاخذين قضمه تتكسر الف وسبعمية كسره داخل فمك وتذوب ذوبان .
وحتى لو قعدت عشر ساعات تظل محافظه على هشاشتها مو تدوخ .

طبعا صعبه إنا نصلح الرقائق كل يوم ،
بالعاده نصلحها قبل رمضان ونصلح كميه تكفي الشهر كله
وتزيد شوي عشان صيام الست . ونحطها بالفريزر لحين الاستخدام .

الطريقه معتمده عند امي الله يرحمها من قبل لانخلق
وتقريبا علمتها لكل صديقاتها واعتمدوها .
وان شاء الله تعجبكم .
وصدقوني هذي ألذ رقائق بتذوقونها لان مافي احد ذاقها الا وسأل من وين ؟

ممكن تكون الطريقه غريبه . وصعبه شوي ،
لكن تطبيقها مو ذيك الصعوبه .
المقادير :
كوبين طحين أبيض ( استخدمت الدقيق السعودي)
كوب ماء
ربع كوب سمن كريمي نباتي مهدرج مذاب ( شورتنينق) .
قليل من الملح .
وهذي صورة السمن للي مايعرفه ،
الافضل كريسكو بس مالقيت غير قودي .



السمن ضروري نفس النوع ماينفع تستخدمين زيت او سمن عادي ،
لانه مايخلي العجينه تشرب زيت وايضا يخليها هشه .
للمعلوميه الكميه اللي استخدمتها اكثر بكثير من المقدار اللي ذكرته
يعني ضاعفي المقدار حسب الكميه اللي تبين .

الطريقه :
نضع المقادير في العجانه ونعجنها سوى لين تنعم
وتذكري لما تضيفين السمن لازم يكون مذاب بس مو حار .

وهذي شكل العجين بعد ماخلصت


لاحظي طريه لكن ماتلصق باليد .



نشكل العجينه اقراص ( بحجم البيضه الصغيره )
ونغطيها بنايلون عشان ماتنشف .



خليها ترتاح شوي عشان يسهل فردها .
نبدأ الفرد :
خذي اربع حبات . وغطيهم بالدقيق .


إفرديهم شي بسيط .



أدهني وجه كل حبه بسمن مهدرج مخلوط مع زيت
( لنفرض ربع الكميه سمن والباقي زيت ، او نصف مقابل نصف )



رشيهم دقيق .



يتـــــــبع ..

نبدأ نرصهم فوق بعض .
اقلبي حبه فوق حبه .
يعني الوجه المدهون مقابل الوجه المدهون . مثل الصوره

لاحظوا شلون ، الحين ادهني وجه الحبه بالزيت ورشيها دقيق .





وارجعي رصي حبه فوقها بنفس الشكل .



ايضا ادهني ورشي الوجه ( الحبه اللي قلبناها )



الحين كملي رص



وآخر شي رشيه دقيق فقط عشان نفرد العجيه .

نفرد مع مراعاة تطابق الطبقات





نسخن الطاوه ( المقلى ) والافضل لو تكون مصنوعه من التيفيليك
. وراعي تكون النار هاديه عالآخير لانا نبيها تنضج من غير ماتحمر .

طبعا تنضجينها شبه نضج من غير اي اضافات يعني لاتحطين زيت ولا دقيق ولا شي .



بتلاحظين ظهور فقاعات بهالشكل . كل ماكان فردك جيد بتنفخ مع الرقائق اكثر .



طبعا هي تنفخ أكثر من كذا بس ماأمداني اصوره تصير مثل الرغيف العربي أول مايطلع من الفرن منفوخه
، وكل مانفخت كل ماسهلتلك العمليه بعدين .

وأبدا لاتخلينها تحمر او تنشف لازم تظل فاتحه كأنها نيه .
نشيلها من على الطاوه .
وهي حاره قطعيها بهالشكل وشيلي الزوائد .



نفكك كل قطعه حبه حبه ، هم اربع حبات فوق بعض
فككيكها قبل لاتبرد ، لان لو بردت تفكيكها يكاد يكون مستحيل .



اول ماتفكين الرقائق غطيها بكيس عشان ماتنشف .



غلفيهم زين واحتفظيهم بالفريزر لحين الاستخدام



على فكره الزوائد اللي شلناها لاترمينها
خليها بقولك وش تصلحين فيها .
احتفظفي فيها بس فككيها قبل .



ايضا غطيها بنايلون لحين الاستخدام .
بالنسبه لتطبيق السمبوسه . حضري الحشوه اللي تبين ، بس بشرحلكم طريقتي في تطبيقها .

حطي الحشوه .



لفيها بهالشكل وحاولي تبرمين زواياها صح عشان مايدخل الزيت للحشوه .







خلي الطرف

الحين اغمسي الطرف في ماء ساخن .
وكملي لف السمبوسه .
هذي اسهل طريقه للصق اطراف السمبوسه .







وتقلى





================
طريقه اخرى لفرد السمبوسه :

نفس العجينه ، بس تختلف طريقة الفرد .

افردها بجهاز فرد اللازانيا .
بهالشكل .






تقطع .





وتحشى



نغلقها بهالشكل .












وتقلى


===================

بقايا عجينة السمبوسة

تذكرون يوم اقولكم لاترمونها .
طلعيها من الفريزر وإذا ذابت اقليها ،
وهي حاره اسقيها شيره وحلو لو كانت الشيره غليظه شوي
يعني قوامها مثل العسل .
وهذي هي .



راح تبقى الحشوات بنزلها لكمبإذن الله .
وبالعافيه عليكم .

هيفولا