بيت عطاء الخير الاسلامي - فتة شاورما الدجاج

فتة شاورما الدجاج

معلش طويلة شوية..بس لذيذة جدا

https://fbcdn-sphotos-e-a.akamaihd.n...57210909_n.jpg

الطريقة :

https://fbcdn-sphotos-e-a.akamaihd.n...17331981_n.jpg

طريقة عمل الرز :

المقادير :
كوب و نص رز بسمتي
3 كوب ماء
كركم و قرفة
بصلة
معلقة زبدة
مكعب ماجي

الطريقة :
هنقلب البصلة في الزبدة لحد ما تصفر
و ننزل الرز
بعدين نضيف الكركم و القرفة معلقة صغيرة من كل حاجة
و بعدين نضيف الماية و مكعب الماجي و رشة ملح خفيفة و نسيبه يستوى

https://fbcdn-sphotos-b-a.akamaihd.n...41120472_n.jpg

2- طريقة عمل الفراخ

المقادير :
فراخ بانيه حسب الكميبة
علبة زبادي
صويا صوص - بابريكا - دبس رمان -
زعتر "مهم أوي عشان الطعم الشامي" كاتشب حراق - مستردة - سماء

الطريقة :
البانيه هنقعه شرايح طويلة
في طاسة ع النار هنحمره في الزبدة و نسيبه يشرب مايته و الزبدة بتاعتها
هنكون جهزنا التتبية بتاعته و ننزلها عليه لغاية ما يشربة
و بعدين نضيف كوباية ماية هيكون استوى

نسخن فحم ع النار و بعد ما نطفي ع الشاورما هنحط الفحم
و نقفل عليه كويس أوي عشان يشرب ريحة الفحم

https://fbcdn-sphotos-f-a.akamaihd.n...41902996_n.jpg

العيش :
الخطوة دي ممكن يتم اختصارها لو فيه عيش أييض هنحمصه في الفرن
لو مفيش هنعمل عيش صاج
"اللي في الصورة دا عيش صاج معمول للفتة مخصوص ":

المقادير :
بيضتين
كوب دقيق
ربع كوب لبن
معلقة ملح

الطريقة :
هنضرب كل دا في الخلاط
هنكون مسخنين طاسة مدهونة زيت كويس ع النار
و لازم تبقى سخنة جدا عشان العيش ما يلزقش

و بالمغرفة تاخدي كل شوية
و تعملي رغيف ع الطاسة و تقلبيه

بعد كدا هتقطعي العيش مربعات كدا
بس طبعا العيش طري مش ناشف

هتحطيه في صنية في الفرن يتحمص كويس و هياخد وقت كبير
لأنه طري جدا بس طعمه تحفه ماشاء الله
و كل شوية بصي عليه بحد ما يتحمص

https://fbcdn-sphotos-a-a.akamaihd.n...82681640_n.jpg

التومية :
المقادير :
علبة زيادي
فصين توم
معلقة خل
معلقة طحينه "ممكن تلغيها"
معلقة ملح

و قلبيهم كلهم على بعض طعمها جميل أوي

و بألف هنا وعافية

هيفولا
:)