من : الدكتورة / ولاء صلاح جوده يرحمها الله

معلومه سريعه


نصائح مهمه لمرضي الاورام وخصوصا اثناء العلاج الكيماوي لتجنب عدوي الكورونا

اثناء الكيماوي واحيانا العلاج عموما المناعه بتقل وده خط العلاج الاهم والاوحد ضد الكورونا

ساعتها بيكون العيان معرض اكتر للعدوي مش بس بالكورونا باي حاجه تانيه كمان

خلي بالكم من النصائح دي

ممنوع القبلات والاحضان وكمان اسلام باليد,,,اللي عارف ظروفك حيقدر

البس كمامه طول الفتره الكمامه مش شرط تبقي نوع معين لان الفيرس كبير نسبيا فاي كمامه حتوقفه انشالله تعمل كمامه قماش

خلي في جيبك ازازه صغيره فيها محلول مطهر كحولي ودول كتير اوي مالقتش هات قزازه كحول طبي بس تكون صغيره علشان تبقي معاك علي طول

كل شويه اغسل ايدك بالكحول رش علي اي سطح جنبك حتقعد جنبه

كل ما يكون متاح اغسل ايدك ووشك الميه والصابون

استشق ميه وخرجها كل شويه ,,,معروف ان الفيرس بيتوقف كام ساعه عقب الاصابه

بالانف قبل ما يدخل عالجهاز التنفسي كل شويه استشق ميه بصابون خفيف كده وخرجها

اتغرغر كل شويه بمحلول ملح من اللي بيتعلق لك ده

حط ليمون في الميه اللي بتشربها وزود الاكل اللي فيه فيتامين سي موالح وليمون وجوافه في فتره ما قبل وما بعد الكيماوي

يستحسن تتروح تاخد الكيماوي وتقعد في اوضتك بعد كده كام يوم لغايه ما لمناعه تعلي

لو ما عليتش ارجع لدكتورك يديك علاج لرفعها

تجنب اي الاحتكاك والتعامل مع اي حد بيكح او بيعطس

تجنب الزحمه والاماكن المغلقه قدر الامكان وحاول تجدد هوا الاوضه الللي انت فيها كل شويه