بيت عطاء الخير الاسلامي

استنارة و طلب من قلب محب
أساتذتي الأفاضل
أنا ( نورا ) طالبة فى المرحلة الثانوية عندى صاحب زى كل البنات ،
نتكلم فى الموبايل بالليل بعد ما الناس تنام لأنه تقريبا هو الوحيد اللى فاهمنى و نخرج أحيانا نتمشى ،
أنا مش عارفه ده حب و لا أيه و ما افتكرش أننا ح نتجوز فى يوم من الأيام
و عارفة أننا أكيد حنسيب بعض . إذاً لماذا نعمل كده ؟
علشان نلحق ناخد أى حاجة من الدنيا ، أحنا من أسر عادية كلها مشاكل و الأهل مش حاسه بينا ،
أمى مثلا توفر الفلوس سرا حتى تستطيع ترك أبى فى أقرب فرصة و هى تعامله معاملة سيئة
لأنه لم يحقق لنا المستوى الأقتصادى المرتفع مثل خالتى التى تعيش فى فيلا ،
و أمى دائما تندم أنها تزوجت من إنسان فاشل لم يستطع أن يسعدها ،
أحوال زميلاتى فى البيوت تشبهنا ، صاحبتى المقربة تعيش مع أمها فى بيت جدتها معظم الوقت
لأن أمها تضيق بطلبات أبيها و لا تحب أن تقضى وقتها فى الطبخ و الغسيل ،
زميلة أخرى أبوها يتنقل من زيجة إلى زيجة و أمها زهقت منه و لم تعد تسأل عنه خالص ،
عندما أشاهد مسلسلات التليفزيون أقول ياريت فيه كده فى الدنيا ،
فى المسلسلات الأسرة متحابة مترابطة يجلسون على مائدة الطعام و يتكلمون معا و يضحكون و يقبلون يد أبيهم ،
البيوت فى الحقيقة أصبحت مجرد أماكن للتجمع و المبيت ، لايجمع أهلها حوار و لا طعام و لا حاجة .
أرجو أن تفهميننى أنا متدينة و أصلى بأنتظام منذ الصغر و محجبة و أمى هى التى عودتنى على ذلك
و أهالينا ناس متعلمة و محترمة ، أحنا بس فتحنا عيوننا على دنيا ملخبطة
و بنتعامل على أساس اللى يقدر ياخد حقه من الدنيا ياخده فورا بطريقته و لا ينتظر أن يأتى الحظ إلى بابه
لأنه كتير جدا لا يأتى أبدا
ما رأيكم و ما هو الحل أيها الأعضاء الكرام ؟
أبنتكم / نورا