- يا ماما هي شدت مني العبه
- يا مامااااا هو ضربني

قبل ما نتدخل لحل الخلافات بين أولادنا، خلينا الأول نفكر إيه شكل العلاقة
اللي عايزين نبنيها بينهم على المدى البعيد؟ ويا ترى الطريقة اللي حنتدخل
بيها حتأثر إزاي على العلاقة دي؟ يفضل اننا نتجنب تماماً الانحياز لأي طرف
لأن صعب أوي نتأكد مين سبب المشكلة، ولو حاولنا نعرف حندخل
في (س) (وج) على الفاضي...

الأحسن بكتير اننا نعلمهم مهارات حل الخلاف... ممكن نوصف المشكلة من
وجهة نظرنا بدون تحيز: "في لعبة واحده واتنين عايزين يلعبوا بيها."
نسأل: "تفتكروا إيه الحل؟" نسمع الحل من كل واحد بالدور بمنتهى الجدية،
وبعدين نشجعهم على اختيار حل الاتنين يكونوا موافقين عليه (واحنا كمان
طبعا ) وبعد كده نجرب الحل اللي اختارناه... وبكده نكون علمناهم مهارة
اجتماعية مهمه وقوينا علاقتهم ببعض، ومع الوقت والممارسة
هم حيعرفوا يحلوا مشكلاتهم من غيرنا.