[هيفولا]

طريقة عمل الكفتة بصوص الفلفل الأحمر الحلو

من الاخت /فاتووو

الكفتة بشكل جديد وسهل جدا..
عبارة عن كفتة ومعاها صوص الفلفل الأحمر الحلو..
جربيها وقولي لنا رأيك فيها.

كفتة بصوص الفلفل الأحمر

لعمل الكفتة:

المقادير:

• كيلو لحمة مفرومة

• بصلة متوسطة

• حزمة شبت

• حزمة بقدونس

• حزمة كزبرة
  

• فص ثوم
  

• ملح وبهارات

لعمل الصوص

• حبة فلفل أحمر

• بصلة متوسطة

• 2 : 3 كوب ماء

• 1/ 4 ملعقة صغيرة كزبرة
  

• 1/ 4 ملعقة صغيرة حبهان
  

• 2 ملعقة كبيرة زيت زيتون
  

• 4 حبات طماطم مفرومة
  

• 2 ملعقة كبيرة صلصة طماطم
  

• ملح وفلفل

الطريقة:
1- افرمي اللحمة مع الشبت والبقدونس والكزبرة والثوم والبصل،

وتبليها بالملح والبهارات.

2- شكلي منها أصابع متوسطة الحجم وبعدين شوحيها في زيت الزيتون

لحد ما تجف ويبقى لونها دهبي، وبعدين ارفعيها من الطاسة،
وخلي الطاسة ببقايا الزيت.

3- لتحضير الصوص؛ اشوي الفلفل على النار لحد ما القشرة تنفصل،
وبعدين حطيها في كيس بلاستيك لمدة دقيقتين علشان القشرة تنفصل تماما

ويبقى سهل إنك تقشريه، وبعدين افرميه لمكعبات صغيرة.

4- في نفس الطاسة اللي شوحتي فيها اللحمة؛
افرمي البصل وشوحيه فيها لحد ما يبقى لونه دهبي،
وبعدين حطي الفلفل المشوي والطماطم والصلصة
وتبليه بالملح والفلفل والكزبرة والحبهان.

5- حطي الميه وسيبيها لحد ما الصوص يغلي لمدة 5 دقائق
وبعدين ضيفي الكفتة، ولو حسيت إن الصوص بقى سميك

ممكن تزودي ميه كمان.

6- غطي الطاسة وسيبيها على نار هادية لمدة 25 دقيقة
لحد ما تحسي إن الكفتة استوت والصوص
اتسبك، وقدميها مع رز أبيض، بالهنا والشفا.


بلهناء والعافيه