[هيفولا]

فتّة بصوص الحمص |

.
.

صراحه كان ودي اليوم احط طبخه جديده كلياً ,

بس ما امداني اسوي شي جديد وهاذي امي مسويتها :$ ..

هذي الفته مو الأصليه طبعاً وصوصها مختلف شوي ,
لكن بالنهايه تعتبر فتّه وماهيب ذاك الاختراع .

أهم شي إنها لذيذه وسهله والا ؟

| الطريقة والمقادير مع بعض | :

نقطع بقدونس لقطع متوسطه , مانخليه مفروم .

ممكن بس تشيلين الأعواد حقته .

ونقطع خس لحجم متوسط بس نراعي أن كمية البقدونس تكون ضعف كمية الخس .

وتقلي باذنجان مقطع مكعبات متوسطه
ونحطه على صحن فيه منديل عشان يمتص الزيت الزايد بعد القلي ,

بعدها نجيب صحن التقديم ونحط البقدونس والخس كطبقه أولى ,

وفوقه الباذنجان .

ونغطيهم وندخلهم الثلاجه على مانسوي الصوص ,

الصوص عباره عن :

علبة زبادي

عصير نص ليمونه

فص ثوم صغير مفروم

ملعقة كبيره زيت زيتون

علبة صغيره حمص بالطحينه
( الحمص الجاهز تلقونه بالبقالات )

ملعقه كبيره بقدونس

نحطهم بالخلاط وبعد ماينخلطون نضيف عليهم فلفل اسود وملح .

ونغطيها ونخليها بالثلاجه لحين وقت التقديم .

وقت التقديم نقلي خبز مقطع لمربعات متوسطه حتى يتحمر .

ونحطه في صحن عليه منديل عشان يمتص الزيت الزايد .

ونحمص صنوبر .

نجيب صحن التقديم اللي فيه الخضار
ونصب عليه الصوص ونوزع الصنوبر والخبز المقلي ع الوجه .

الف هنا وعافية

هيفولا