[هيفولا]

ارز بالكاليمارى








الكاليمارى غسلته ونقعته فى مايه وملح وخل عشان الزفاره

انا سمعت كتير هنا بتقول ان الكاليمارى بيشد
بصو بقى الحركه دى مش هتخليه يشد منكم خالص
بعد ما تنضفيه اوي
تجيبى حته الكاليمارى كده وتمسكيها
وتيجى عند الطرف وتشدى هتلاقى طبقه خفيفه اوى
شديها براحه اووووووى علشان ميتقطعش الكاليمارى منك
هتلاقيها طلعت بسهوله
وهيستوى معاك ويبقى تحفه





نيجى بقى للأرز
نبشر البصل ونحطه على النار لحد ما يغمق شويه
مش يتحرق لأ يغمق
وننزل عليه بالكاليمارى بعد ما نكون قطعناه حتت صغيره
نقلبه معاه شويه










وبعدين نحط عليه المايه والملح كوبايه مايه لكل كوبايه ارز
وتحطي الارز وتغطى انا هنا حطيت الارز فى حله الرز
وبسيبه بقى لحد ما نيجى نأكل اى وقت
الميزه فيها ان الرز بيفضل سخن فيها لأكتر من ساعات
بيوفر عليا انى اسخنه او اضطر انى لازم اعمله قبل الاكل على طول
بعمله واسيبه فيها لحد ميعاد الاكل

وعلى فكره
لو حطيتى ملعقه صغيره كارى مع البصله بتاعة الرز
وبعد كده شوية عصير طماطم بيطلع ما حصلش


الف هنا وعافية

دعواتكم
هيفولا