[هيفولا]

كيكة النسكافيه مع الكروكان










مقادير الكيكه

2 كوب طحين
4 بيضات
كوب حليب سائل
تلاثة ارباع كوب زيت ذره
كوب سكر
3 ملاعق صغيره بيكنج بودر
ملعقة صغيره فانيلا
معلقة صغيره برش ليمون
معلقة صغيره نسكافيه

مقادير الكريمه

ظرفين دريم ويب
ربع كوب حليب بارد سائل
بكيت قشطه قيمر حجم صغير
معلقة صغيره نسكافيه

لتسقية نصف الكيك
كوب ماء دافي مذوب فيه معلقة نسكافيه كبيره

الطريقة
بنعمل الكيكه بالطريقة العاديه الي هي بنضرب البيض مع الفانيلا
شوي وبعدين بنضيف السكر والزيت وبنضرب شوي
وبعدين بنضيف باقي المقادير بنخبز الكيكه ع حراره متوسطه
لمده 40 دقيقه تقريبا هلاء كل وحده حسب فرنها
ممكن اقل بشوي او اكتر مهم تتاكدوا الكيكه استوت

وبس نطلعها من الفرن بنتركها لتبرد تماما
وبس تبرد بنقطع الكيكه بالنص بنسقى النص الاول بكوب نسكافيه
وبعدين بنحط طبقه كريمه خفيفه وبعدين بنحط النص التاني
وبنغطي الكيكه كلها بالكريمه وبعدين بنضيف الكروكان
انا نزلت طريقة الكروكان رح ارجع اذكرها للي ماشافها قبل

الكروكان اسهل طريقه لعمله ولضمان نجاحه معكم
بنحمس اللوز لحاله عشان يقرمش معنا وبعدين
بندوب السكر لحال وبس يدوب السكر تماما
ويقلب لونه على بني بنضيف عليه اللوز وبنحرك شوي
وبعدين عندكم خيارين لو عندكم ورق الخبيز
بتحطوه عليه وبتركوه ليبرد او ممكن بصينيه تيفال
تمسحوها بزيت وبعديت تحطوا فوقها الكروكان
وكمان تستنوا ليبرد بعدين بتحطوها بخلاط
بس لو ماعندكم انك تتحكي بالسرعه لانه يادوب لفه سريعه
بده عشان ماينعم كتير ويروح شكله يفضل تحطيه
بكيس ودقيه وصحيتن والف عافيه جربوها وادعوا لي


نقسم الكيكه من النصف نسقي الكيكه
اللي من تحت بكوب النسكافيه
و ندهنها بالكريمه ثم نضع باقي الكيكه فوقها و ندهنها بباقي الكريمه
و تزين بالكروكان عالوجه
و صحه و عافيه



هيفولا