[هيفولا]

جلاش باللحمه المفرومه بشكل جديد
يارب يعجبكم






المقادير

لفه او اتنين جلاش
لحمه مفرومه متعصجه
ونص كوبايه سمنه او زبده
كوبايه كبيره لبن لكل صينيه
2 بيضه


الطريقه

بصو انا اول حاجه جيبت لفتين جلاش




وبعدين جيب السمنه بتاعتى او زبده يعنى
عشان هدهن منها بين كل طبقه والتانيه نص معلقه كده بس
عشان ما يكونش دسم اهه



وهنا بقى انا ابتديت ارص الجلاش فى الصينيه اهو





وبعد ما عملت حوالى نص لفه
جيبت اللحمه المعصجه بتاعتى وحطيتها اهه




وفردتها كويس




وبعدين حطيت باقى اللفه بتاعتى ع اللحمه ورقه ورقه طبعا هههههه

وبعدين قطعتها وهى نيه كده قبل ما تستوى
لانها لما بتستوى بتبقى صعبه فى التقطيع
وشكل الصنيه بيبوظ

ماشى لحد كده






ندخل بقى ع اللفه المستطيله
انا اول حاجه بجيب ورقتين جلاش فوق بعض واحط اللحمه فى النص كده



وبعدين هبتدى اتنيها من فوق بالشكل ده اهه



وبعدين هتنيها من الجوانب بالشكل ده برضه



وهدهن سمنه تحت كل تنيه اوعوا تنسوا
وهنا بقى هبتدى الفها



لحد ما بقت بالشكل ده



ودى الصنيه اللى عملتها كلها على شكل مستطيلات






دول الصوانى اللى عملتهم ليكو
لسه فى صينيه هروح اعملها







وبعدين هدخله فرن مسبق التسخين
هياخد بالكتير اوى ربع او تلت ساعه خلى بالك

طريقه سواه

انك هتدخلى الصوانى الفرن

وبعد حوالى 10 دقايق لما تحسى انه خلاص داخل فى السوا
هتجيبى البيض باللبن بتاعك

ده البيض مع اللبن مع شويه ملح وفلفل اسمر


وتضربيهم كويس وتحطيهم على وشه
ودخليه تانى
وخرجيه بقى بعد ما وشه يحمر
هو هياخد عشر دقايق تانين
وكلى احلى جلاش


وده الشكل النهائى يا حلوين




















وده اللى عملته فى الصينيه المربعه











بالعافية والهنا


هيفولا