صفحة بيت عطاء الخير
بطاقات عطاء الخير
تويتر عطاء الخير الرسمي
مجموعة بيت عطاء الخير الرسمية
بحث في موقع الدرر السنية
 

بحث عن:

ابحث بالموقع
تاريخ اليوم:

  المستشار نبيل جلهوم  
المهندس عبدالدائم الكحيل الدكتور عبدالله بن مراد العطرجى بطاقات عطاء الخير
دروس اليوم أحاديث اليوم بطاقات لفلي سمايل


مجموعات Google
اشترك فى مجموعة بيت عطاء الخير
البريد الإلكتروني:
زيارة هذه المجموعة

تسجيل دخول اداري فقط

أطباق جانبية بالداخل أقسام فرعية متعددة

إضافة رد
انشر الموضوع
 
أدوات الموضوع انواع عرض الموضوع
  #1  
قديم 10-16-2012, 07:51 AM
هيفولا هيفولا غير متواجد حالياً
Super Moderator
 
تاريخ التسجيل: May 2010
المشاركات: 7,422
افتراضي العشا النهارده كريب


العشا النهارده كريب

فى لحظه تجلى قرب موعد العشاء
جلست فى الشرفه
وفضلت افكر
هتشعـــــى اااااااااااايه

زهقت من العشا التقليدى


(بيض - جبنه - زبادى الخ الخ الخ )

قولت لما اقوم اجرب فيهم حاجه جديده
الكــــــــــــريب


نقرتين لعرض الصورة في صفحة مستقلة

اتخذت القرار وذهبت فى طريقى الى المطبخ
وكانت هذه البدايه

اولا المقادير
كوبايه دقيق
عدد اتنين بيضه
كوبايه لبن
شويه قانيليا علشان ريحه البيض

الحشو

جبنه رومى
بسطرمه
صلصه او طماطم
فلفل رومى
وزعتر
بيدى طعم خطير
وممكن زيتون
وكل واحده وحابه تعمل الحشو ايه
ممكن شاورمه فراخ
وممكن لحمه مفرومه على الصاجه
او سجق او تونه
وممكن تهمليه حلو كمان يتحشى
شيكولاته ومكسرات اوى مربى وكريمه
كل واحده ومزاجها وابتكاراتها

الطريقه

تاخدى مقدار من الخليط بالكبشه فى طاسه سخنه فيها نقطتين زيت
وتسبيها تحمر من تحت شويه هتلاقيها نطرت من الاطراف
تشليها وتقلبيها ع الوش التانى لغايه ما يتحمر بردو
وتعملى كده فى المقدار اللى عندك كله
بعد ما تخلصيه
تكون محضره الحشو
هتبقى الكريبايه على شكل دايره
تيجى فى ربع واحد من الدايره
وتحطى الصلصه الاول وبعدين البسطرمه والجبنه الرومى عليها
وبهدين الزعتر والفلفل الرومى
وبعدين تطبقيها على شكل ربه وبراحه وعلى مهلك علشان الحشو مش يقع
وتاخديها وتحطيها فى الطاسه السخنه على الوش الاقرب للحشو وتحطى
عليها طبق علشان يثبتها وتمسك فى بعضخا والحشو مش يقع منها
وبعدين تقلبيها على الوش التانى بعد الجبنه ماتسيح
وتسبيها تقمر او تنشف شويه وخلى بالك من الحشو علشان ميقعش
وتطلعيها على منديل وتحطي الكميه كلها فى طبق التقديم
بعد ماتخلصيها كلها
والف هنا وشفا
ملحوظه
اهم حاجه لما تاخدى بالكبشه من الخليط
وتحطى فى الطاسه تبقى طبقه رفيعه
علشان انتى هتطبقيها على اربعه

ده البيض واللبن

نقرتين لعرض الصورة في صفحة مستقلة

ده لما حطيت الدقيق عليهم وضربتهم فى الخلاط ضربا مبرحا

نقرتين لعرض الصورة في صفحة مستقلة


اخدت بالكبشه شويه من الخليط ده وحطيتهم فى مقلايه
وكنت حاطه نقطتين زيت بس فى الاول
بعد كده محتطيش ومبقتش تلزق لما سخنت اوى


نقرتين لعرض الصورة في صفحة مستقلة


دى اول كريبايه عملتها الاطراق محرمشه
ممكن تشليها بسهوله بس بيبقى طعمها حلو فاسيبتها

نقرتين لعرض الصورة في صفحة مستقلة


دى بعد ماحشيتها
نسيت اصورها قبل ما اقفلها

نقرتين لعرض الصورة في صفحة مستقلة

وبعدين تسخنى المقلايه تانى
ومحطيش فيها زيت ولا حاجه وتحطى فيها الكريبات
وخلى بالك انها مفتوحه علشان الحشو ميقعش منها
وهتسبيها شويه لغايه الجبنه ماتسيح
وتنشف شويه من بره تبقى مقرمشه كده

نقرتين لعرض الصورة في صفحة مستقلة


وتحطى من فوقيها طبق وتضغطى عليه شويه علشان تبقى مستويه
وتمسك فى بعض ومتفكر والحشو يقع منك وانتى بتقلبيها
تقلبيها ع الجمبين وتتاكدى من الجمب اللى فيه الحشو انه الجبنه ساحت

نقرتين لعرض الصورة في صفحة مستقلة

دى بعد ما خلصت خالص والجبنه ساحت جواها وقرمشت من الجمبين

نقرتين لعرض الصورة في صفحة مستقلة

تتقدم وهى سخنه والجبنه سايحه جواها وبتشد
ومعاها شويه مخلل حلوين كده
والف هنا وشفا


نقرتين لعرض الصورة في صفحة مستقلة



الف هنا وعافية

هيفولا


التعديل الأخير تم بواسطة هيفولا ; 10-16-2012 الساعة 08:01 AM
رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



ديزاين فور يو لحلول تقنية المعلومات