[حور العين]

من : الدكتورة / ولاء صلاح جوده يرحمها الله

واجه الكورونا ومتخافش
تعمل ايه لمواجهه الكورونا



اهم نقطتين تجنب الزحمه واهتم بالاكل الصحي علشان مناعتك تبقي جاهزه للكورونا وغير الكورونا

لو بتدخن اظن ده وقت مناسب انك تقلع عن التدخين وترحم جهازك التنفسي شويه

في جيبك او في شنطه ايدك ازازه صغيره فيها اي مطهر يحتوي علي كحول

قبل ما تنزل الصبح اغسل ايدك كويس بميه وصابون لمده 30 ثانيه مش سلق بيض هيا

وبعد ما تنشف ايدك اغسل ايدك بالمطهر ده

معلش اليومين دول لو تقدر حل الكيس شويه وقضيها اوبر او تاكسي بقدر الإمكان

خلي في جيبك او شنطتك مناديل كلينيكس كتير واستعملها علي

طول حتفتح باب عربيتك او التاكسي افتحه بالكلينكس

حتسند علي حديده المترو او الاوتوبيس اسند بالكلينكس

حتدوس علي زرار الاسانسير دزس بالكلينكس وارميه فورا في اي سله زباله تقابلك

البس كمامه اي كمامه حتنفع م شرط الان 95 وان مالقتش كمامه فصل كمامه

من اي قميص او تيشيرت عندك قديم والبسها قبل ما تنزل من البيت واللي يضحك عليك

او يستهزا يولع اساسا لما يجيله كورونا حيعيط

لو ممعاكش كمامه وحد كح او عطس جنبك ابعد عنه قدر الامكان

وغطي وشك بكوعك كده واحمي فمك وانفك

اول ما توصل شغلك اغسل ايدك تاني بالميه والصابون ,,وبعدين اغسل ايدك يبالمطهر

تجنب علي قدر الامكان في شغلك انك تبقي قريب من اللي قدامك وطبعا متقلغش

الماسك برضه اللي مش غاجبه لبسك للماسك يخبط دماغه في الحيط

كل ساعه او ساعتين اوم برضه اغسل ايدك واديها مطهر

تجنب انك تفرك عينك او تحطها في بقك او في انفك قدر الامكان

ولو يعني مضظر ااغسل ايدك كويس بالميه والصابون قبلها

اهتم بفيتامين سي معروف انه بيعزز المناعه ويخلي الغشاء المخاطي

للفم والانف والحلق اكتر صمودا امام اي تحدي

الخطوه اللي جايه دي مهمه

نفسيتك تبقي سليمه مفيش داعي للخوفو والقلق والهلع انت بتعمل اللي عليك

واكتر لتجنب العدوي ويعني مفيهاش مشكله لو اتعديت غالبا لو سمعت الكلام حتخف

لو حصل وسخنت او جالك كحه اول اجراء تلبس الكمامه في البيت وتعزل نفسك اما في اوضه للوحدك

او اي مكان في البيت ومحيطه مترين في مترين محدش يقرب منك واقغد في البيت وخد سوائل دافيه

ومخفضات للحراره مش اكتر من البارامول وعيلته

للمره المليون الكورونا مش اشرس من الانفلونزا العاديه لكن الحرص منه ومن غيره ضروري

بالنسيه للكمامات لو كمامه طبيه وعندك غيرها ارميها لما ترجع البيت ,,

لو ممعاكش حطها في الشمس او حطها في الميكرووويف كام ثانيه حيقتل اي حاجه فيها

لو كمامه عاملها قماش اغسلها بميه فيها كلور واستعمل غيرها لغايه ما تنشف

لبسك ما تلبسوش مرتين اول ما ترجع يتغسل