[هيفولا]

شيخ محشي (كوسا باللبن)
على الطريقة السورية بالصور






المقادير والطريقة:

خلونا نبدأ هي قسم صغير من الكوسا منضفة ومحفورة
وبشيخ المحشي قدر ماقدرتي تكون الكوساية صغير تطلع احلى وعلى اصولها
شوفو كيف حجم الكوسا اصغر من ملعقة صغيرة.

الحشوة:
- اول شي منقطع بصلة ناااعمة ومنقليها بشوية زيت
- لحمة مفرومة نااعمة بعد غسلها منحطها فوق البصلات اللي قليناهم حتى ذبللوا
- منضيف عليها بهارات مشكلة وملح
- ومنخلطهم مظبوووط ومنخليها حتى تنضج اللحمة
مثل لحمة السمبوسك تقريبا بس تكون ناعمة
- واخر شي منضيف عليها صنوبر محمص ومنخلطهم وبهيك خلصت الحشوة
- منحشي الكوسايات وطبعا هنا بامكانك حشي الكوسة مظبوط قبل فمها بشوي لانها ان شالله مابتتفزر لعدم وجود الرز بالخلطة
- بعد حشي الكوسايات منحط على النار مقلاة فيها زيت
وكمان قدر فيه ماء ونخليها تسخن
-طبعا منقللي الكوسايات قللي خفيف حتى تتحمر الكوساية بطريقة خفيفة
مو نحرقها والغرض من القلي الخفيف حتى تطرا الكوسا وتنضج شوي
- وعلى طول منشيلها من المقلاية الى قدر الماء الساخن
ونخليهم يغللو غليتين ثلاثة وبس نشيلهم من الماء ....
الغرض من سلقها بعد قليها هو اولا اننا نشيل زفرة الزيت
مثل ماحتلاحظوا بالصورة وكمان نضوجها تماما
ورجوعها للون الاخضر
- وهي بالماء عم تغللينوهنا بعد شيلهم من الماء
على جنب بين مانطبخ اللبن

طبخ اللبن:

احسن لبن للطبخ هنا بالسعودية ويعطي طعم حامض
هو لبن الفلاحة يامصريين
بقصد اللبن هو الزبادي
المهم نحط مقدار كافي من اللبن ومعها نصف كاس ماء
وملعقة كبيرة ونصف نشاء
ومندور الخلاط وهو عم يدور منحط قليل ملح وبيضة واحدة

وبعد هيك مندير اللبن على قدر ومنحطه على نار هادية
ومنضل عم نحرك حتى يثقل اللبن ويبدأ بالغلي شوي
وبس يغلي اللبن ويثقل منرمي عليه الكوسايات
وهما غلوتين وبس ومنطفي النار

خلصت الكوسا

ومنعمل جنبها رز بشعيرية
وهي طريقتها بالصور للي مايعرف الطريق
بعد غسل الرز المصري ننقعه بماء مغللي .....
على قدر على النار
منكون حاطين سمنة او زيت
ونحمص الشعيرية وبعدين نضيف نصبة الرز
لكل كاس رز كاس ماء ونضيف الملح ونخليهم يغللوا
وبعدين منحط الرز فوق السابق وبس تنشف الماء شوي
نهدي النار تحته ونغطيه حتى ينضج.


جميع الصور من شيخ محشي (كوسا باللبن) على الطريقة السورية بالصور



























الف هنا وعافية

اختكم /هيفولا