صفحة بيت عطاء الخير
بطاقات عطاء الخير
تويتر عطاء الخير الرسمي
مجموعة بيت عطاء الخير الرسمية
بحث في موقع الدرر السنية
 

بحث عن:

ابحث بالموقع
تاريخ اليوم:

  المستشار نبيل جلهوم  
المهندس عبدالدائم الكحيل الدكتور عبدالله بن مراد العطرجى بطاقات عطاء الخير
دروس اليوم أحاديث اليوم بطاقات لفلي سمايل


مجموعات Google
اشترك فى مجموعة بيت عطاء الخير
البريد الإلكتروني:
زيارة هذه المجموعة

تسجيل دخول اداري فقط

إضافة رد
انشر الموضوع
 
أدوات الموضوع انواع عرض الموضوع
  #1  
قديم 10-05-2014, 10:41 PM
هيفولا هيفولا غير متواجد حالياً
Super Moderator
 
تاريخ التسجيل: May 2010
المشاركات: 7,422
افتراضي المعمول السعودي بالدقيق الاسمر

المعمول السعودي بالدقيق الاسمر



نقرتين لعرض الصورة في صفحة مستقلة

بدون سميييد

وهو اصوله بالدقيق الاسمر
وهو معمول لذييييذ اووي وطعمه مميز
وكماااان فيه الياااف لانه بيتعمل بالدقيق الاسمر
وطبعا حبيباتي ممكن نعمله كله بالدقيق الابيض العااااااادي
بدون دقيق اسمر خااااااالص
لو مش بنحب طعم الدقيق الاسمراو مش متعودين على طعمه

بس قبل مااكمل دي الكوباية اللي عايرت بيها الدقيق
والسمنة باننا نوصل الدقيق لحافة الكوب ونمسح الدقيق الزاايد بسكينة
عشان يتساوى السطح ويبقى املس


نقرتين لعرض الصورة في صفحة مستقلة

ومعايرها نفس معيار الاكواب المعيارية بالضبط

بسم الله

مقادير المعمول السعودي

كوبين دقيق اسمر (دقيق بلدي )بالنخالة
كوبين دقيق عاااادي ابيض
يعني الحصيلة 4 كوب دقيق
كوب ونص سمنة - 3 ملاعق كبيرة قشطة
معلقة كبيرة سكر - ربع معلقة صغيرة ملح
معلقتين كبااار حليب بودرة - معلقتين كبااار جوز هند نااااااعم
معلقتين صغيرين خميرة
ندوبها في 4 ملاعق صغيرة مية ومعلقة صغيرة سكر
ربع معلقة صغيرة بكينج بودر
معلقتين كبااااار حليب سااااايل للعجن
ربع معلقة صغيرة حبهاااان ( هيل مطحووون )


ولو مش عندنا الدقيق الاسمر او لو مش حابين نشتريه
نعمل الآآآآآآآآتي
نعاير كوب وربع دقيق عااادي ابيض
وكوب وربع رّدة نااااعمة ( نـُخــاااالة )
ونطحنهم في الكبة او بالفودر بروسيسور مع بعض
وبكده يكون عندنا دقيق اسمر بدون ماااانشتريه
وناخد من الدقيق الاسمر المطحون ده
كوبين دقيق اسمر عشان مقادير المعموووول بكله سهولة
لو حااابين نعمل المعمول بالدقيق الاسمر
ولو مش حابين معمول بالدقيق الاسمر
نعاير كل المقدااار دقيق ابيض
ونكمل المقادير والطريقة عاااادي
بدون اي اختلاااف ان شاء الله

الحشوة
كوب ونص عجوة مفرومة
نعجنها مع معلقتين كباااار زبدة طرية
ومعلقة صغيرة قرفة
ومعلقة كبيرة سمسم

وبسم الله نبدأ الطريقة بالصور

نقرتين لعرض الصورة في صفحة مستقلة

اول حاجة نسمي الله وندوب الخميرة مع السكر والمية
وندخلها الفرن مطفي عشاااان تتفاااااعل

نقرتين لعرض الصورة في صفحة مستقلة

اول حاجة نحط الدقيق الاسمر في حلة ستنالس

نقرتين لعرض الصورة في صفحة مستقلة

وعليه نحط الدقيق الابيض ونقلب بالمعلقة كويس اوووي
عشان نوعين الدقيق يختلطوا مع بعض ونسيبهم جنبنا في المطبخ

نقرتين لعرض الصورة في صفحة مستقلة

ونحط السمنة في حلة على نار عالية لمدة 6 دقايق بالضبط ان شاء الله
عشان تقدح هتسيح في الاول
وبعدين هتسخن اوووي وتقدح ونعرف
انها قدحت بمجرد مااا نحط فيها سمستين مثلا
هنلاقي السمسم ينزل لتحت ويطلع لفوووق بسرعة اووي
ويحمّر بسرعة اووووي ويطرقع ويعمل صوت عااالي بنفس الوقت زي الصورة
بكده السمنة تكون قدحت بفضل الله

نقرتين لعرض الصورة في صفحة مستقلة

ونسمي الله ونصب السمنة المقدوحة
على الدقيق في الحلة على مرتين ونشوف آآآد ايه
السمنة بتغلي وتفور
يارب يجرنا من النار ان شاء الله

نقرتين لعرض الصورة في صفحة مستقلة

والسمن لسسة بتغلي على الدقيق
نقلب بمعلقة ستنالس تقيييلة زي كده
ونقلب كل الدقيق المختفي في الجوانب
عشان كل الدقيق في كل حتة يتشرب السمنة
ويكون كل الدقيق لونه عسلي فاااتح

نقرتين لعرض الصورة في صفحة مستقلة

ونبس الدقيق بالسمنة بظهر المعلقة
من كل الجوااانب زي الصورة وفي كل اتجاهات الدقيق

نقرتين لعرض الصورة في صفحة مستقلة

ولما نتأكد ان كل الدقيق بقى لونه عسلي من السمنة
وكله اتشرب السمنة المقدوحة
نبتدي نبس الدقيق بالسمنة بظهر المعلقة زي الصورة
يعني نضغط بظهر المعلقة بقوة عالدقيق لمدة 5 دقايق كده
والبّس مفيييد اوووي واساسي بالكحك والمعمول لانه بيخلي الدقيق يتشرب كل السمنة
وبالتالي لما الدقيق يتشرب السمنة
هنلاقي المعمول هيطلع ناااعم ويدووب في الفم
ان شاء الله
ودلوقتي نسيب الحلة تبرد خااالص
تحت المروحة مثلا لمدة ساااعة
ولما تبرد نحط الخميرة
لاننا لو حطينا الخميرة والعجينة سخنة
الخميرة هتموت ومش هتتفاعل ابداااا
نقرتين لعرض الصورة في صفحة مستقلة

ولما بردت العجينة نحط بقى الخميرة والقشطة والحليب البودرة وجوز الهند والسكر والملح
والحليب الساااايل ونقط روح الموز
او بدلها نحط القرفة او لو مش بنحب القرفة
نحط ربع معلقة صغيرة حبهان

نقرتين لعرض الصورة في صفحة مستقلة

ونعجن المعمول مع كل المكونات دي كويس
اوووي بايدينا لمدة دقيقتين كده

نقرتين لعرض الصورة في صفحة مستقلة

وده شكل عجينة المعمول بعد ماعجناها طرية وجمييلة اوووي
وطبعا لون العجينة بني فااتح زي الصورة
لانه بالدقيق االاسمر ( الدقيق الكامل بالرّدة )
وطبعا حبيباتي نقدر نعمل كل مقدااار المعمول بالدقيق الابيض
بدون دقيق اسمر ونحذفه خااالص من المقادير
لانه فيه كتييير منا مش بيحب طعم الدقيق الاسمر ابدااا
وهيكون لون العجينة فااااااتح مش غامق

نقرتين لعرض الصورة في صفحة مستقلة

وآخر حاجة نعجن العجوة مع الزبدة والسمسم
والقرفة في طبق زي كده
ونروح نحشي المعمول الجمييل بفضل الله
نقرتين لعرض الصورة في صفحة مستقلة

وبسم الله نبدأ تشكيل المعمول
ناخد قطعة عجين قد عجين الجمل بقشره
ونكور كورة ملساااء زي الصورة

نقرتين لعرض الصورة في صفحة مستقلة

ونحط فيها كورة عجوة متوسطة
بحيث مش تكون كبيرة اوووي ولا صغيرة اووي
لان لو كترنا الحشوة بالمعمول العجوة هتطلع من المعمول في الفرن
وتتحرق فااا خير الامور الوسط

نقرتين لعرض الصورة في صفحة مستقلة

ونقفل كورة المعمول عالعجوة زي كده
ونكور العجينة بين راحة ايدينا عشان تكون كورة ملسااء
وناعمة بدون اي فتحة فيها

نقرتين لعرض الصورة في صفحة مستقلة

ونبطط كورة العجين في الاشكال الجاهزة بتاعة المعمول

نقرتين لعرض الصورة في صفحة مستقلة

ونضغط عالشكل من فووووق عشان تنزل العجينة
نقرتين لعرض الصورة في صفحة مستقلة

ونسحب العجينة من الشكل برفق زي الصورة
وهتطلع معانا بكل سهوولة ان شاء الله

نقرتين لعرض الصورة في صفحة مستقلة

ونرص المعمولات كل واحدة جنب اختها
في صينية مش مدهونة زي كده
ونكمل تشكيل المعمول على خيرة الله
مش بياخد وقت خااالص

يتبع


التعديل الأخير تم بواسطة هيفولا ; 10-05-2014 الساعة 10:50 PM
رد مع اقتباس
  #2  
قديم 10-05-2014, 10:45 PM
هيفولا هيفولا غير متواجد حالياً
Super Moderator
 
تاريخ التسجيل: May 2010
المشاركات: 7,422
افتراضي المعمول السعودي بالدقيق الاسمر-



بسم الله نكمل

نقرتين لعرض الصورة في صفحة مستقلة

ونرصه بالصواااني زي كده
ونسيبه على جنب بالصواااني يخمر نص سااااعة قبل ماااا ندخله الفرن
وممكن نعمل ميني معمول
صغننين وعساسيل لو حد عامل ريجيم
ياااكل واحدة صغنونة مش هتأثر ان شاء الله

نقرتين لعرض الصورة في صفحة مستقلة

ولما نخلص كل الكمية وبعد ماسيبناه يخمر نص ساعة
ندخل المعمول فرن حرارة هاااادية 160 الى 170
صنيتين من تحت وصينيتن على الرف الاوسط
لمدة عشر دقااااايق من تحت

نقرتين لعرض الصورة في صفحة مستقلة

وبعد عشر دقايق لما نلاقي
المعمول بقى لونه دهبي من تحت زي الصورة
نبدل الصواني ونحط الصواني اللي تحت نطلعها فوووق عالرف الاوسط وننزل الصواني اللي عالرف الاوسط نحطها عالصاجة تحت لمدة عشر دقايق برده لغاااية مااا المعمول يبقى
لونه دهبي من القاااعدة
ولما كل المعمول يبقى لونه دهبي من القاعدة
نطفي الفرن من تحت خااااالص
ونشغل الشواية على صواني المعمول
عشان تتحمر بلون دهبي جميييل وطبعا واحنا مراقبينه حبيباتي
لانه مش بياخد وقت في السواااا ابدااا
ومش ينفع نسيبه خاالص ان شاء الله


بسم الله نكمل
صور المعمول

نقرتين لعرض الصورة في صفحة مستقلة

نقرتين لعرض الصورة في صفحة مستقلة




نقرتين لعرض الصورة في صفحة مستقلة

وبيتكسر بايد واااحدة من نعومته

نقرتين لعرض الصورة في صفحة مستقلة

بيدووب ومحشي بالتمر اللذيييذ
اتفضلوا حبيباااااتي


وبكده الحمد لله والشكر لله خلصت
وباااالف هنا وعافية على قلوبكم حبيباتي

ويااارب يعجبكم


هيفولانقرتين لعرض الصورة في صفحة مستقلة
رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



ديزاين فور يو لحلول تقنية المعلومات