المستشار نبيل جلهوم | ||
المهندس عبدالدائم الكحيل | الدكتور عبدالله بن مراد العطرجى | بطاقات عطاء الخير |
دروس اليوم | أحاديث اليوم | بطاقات لفلي سمايل |
|
تسجيل دخول اداري فقط |
انشر الموضوع |
|
أدوات الموضوع | انواع عرض الموضوع |
#4
|
|||
|
|||
اولا نص كيلو صدور فراخ مخليه (انا استعملت نص كيلو كتجربه بس ) مقادير التتبيله 2بصله 2حبه طماطم 3فصوص توم ليمون علبه زبادي فلفل اخضر ملح بهارات لحمه وكاري وفلفل اسمر وبعدين نضرب دا كله في الخلاط وبكده جهزت التتبيله ونقطع الصدور مكعبات ونحطها في التتبيله من بالليل يفضل كده بس انا عملتها انهارده فكنت سايباها 3 ساعات بس وبرضه طلعت تحفه بجد ودي الصدور في التتبيله وبعدين نجيب طماطم وفلفل وبصلايه او 2 حسب ماتستخدمي للكميه ونقطعهم مكعبات كده وبعدين نجيب الاسياخ الخشب ونبتدي نرص قطعه فراخ وبصل وطماطم وفلفل بالتبادل لحد ماتخلص الكميه ودا شكلها بعد ماخلصت رص وبعدين نرص الاسياخ في صينيه ونحطها في الفرن ونرش عليها باقي التتبيله بتاعتنا ونقلبها من الوقت للتاني عشان تستوي هي مااخدتش وقت كتير وبعد مااستوت طلعتها عالشبكه تحت الشوايه وحمرتها من جميع النواحي تحت الشوايه وقتها كنت مولعه فحمه وحطيتها في وسط الصينيه بين الاسياخ وكبست عليها غطي حله عشان الدخان كله يملاها وكانت ريحتها بس مفحفحه عالاخر بجد طلعت جميله جدا جدا والاهم اني غظت اخويا اللي بيتحداني ودي كان شكلها النهائي يارب تعجبكم وعجبت ماما حبيبتي جدا وهااكلها هي بس ايه رايكم ااكل اخويا هو كمان منها ودي صوره كمان اتفضلو اتعشو معانا ياقمرات ودا صباع اخويا وهو بياخد سيخ ههههههههههههه مش صابر لما اخلص تصوير مش هديله برضه بس هه الف هنا وعافية هيفولا التعديل الأخير تم بواسطة هيفولا ; 05-18-2013 الساعة 10:14 AM |
|
|