[هيفولا]

افكار حلوة لشهر رمضان

قال الرسول عليه الصلاة والسلام :
"من صام رمضان إيمانًا واحتسابًا غُفِر له ما تقدم من ذنبه"
الله يجعلنا من صوامه وقوامه ومن المقبولين فيه

وطبعا معروف كمية الشغل والتعب علينا في رمضان
لذلك من المفيد اننا نتبادل الخبرات والمعلومات
للأستفاده ولتوفير الوقت والجهد

وحبيت اعرض بعض الافكار الحلوه في رمضان

ومنها

-اذا اشتريت كيس البطاطس المجمد فرغيه في اكياس اصغر
على حسب استهلاكك اليومي بحيث انك ماتطلعين الكيس الكبير يوميا
والكيس الصغير تطلعينه من الفريزر للزيت مباشره

-------------------

-دايما اذا جيتي تفرزنيين خلي الكيس بشكل منبسط او منفرش
بحيث انه يسهل تخزينه ويسهل اذابته



-----------------------------

-اذا عملت شيره لرمضان بكميه كبيره لاتحفظيها في جك ولا قدر كبير
احفظيها في علب كاتشب او هيرشي اسهل للاستخدام



--------------------

-اذا كنت بتفرزنيين حشوات لا تضيفين البهارات او اي منكهات
الا عند الاستخدام راح يكون طعم البهار مافقد نكهته من الفريزر



-----------------------

-الدقيق انا اوزعه كل 3 كاسات مع بعض في كيس بلاستيك
واستخدم علبه لها ثقوب لتوزيع الدقيق اذا جيت اسوي فطاير
مثل علبة الملح اوالملاحه
وكذلك لخلطة السنبون


-وعبي رشاش بزيت لدهن صواني الفرن بسهوله



---------------------
-علشان تجففين اي نوع من الورقيات
بقدونس نعناعاو غيره
غسليه وحطيه على منشفه 10 دقايق
حطيه في صينية الفرن وشغلي نار الشوايه وقلبيه شوي
اذا نشف طلعيه واحفظيه في علبه عندك
--------------------

-حطي نصف العلبه حقت المويه سكر



والباقي مويه ورجيها لين يذوب السكر وحطيها
في الثلاجه واضيفي منها
لجيك الفيمتو والعصير بياله بدال السكر وتحريكه كل يوم

-------------------

-البابريكا الحلوه البارده
اضيفيها لكل طبخاتك مره نكهتها روعه


-اذا قليت الخضار للمسقعه او اي طبخه
اشطفها وهي في الصفايهبماء حار ينزل الزيت كله



اتمنى اني قدمت لكم مافيه فائده
منقول لتعم الفائدة

وجزاكم الله خير
تقبل الله منا ومنكم صالح الاعمال

وبلغنا واياكم رمضان




هيفولا