[هيفولا]

مجبوس لحم

نبتدي بسم الله
نحط زيت بالجدر ونحمس فيه بهارات صحيحه ..
كم عود دارسين وجم حبة هيل وجم حبة مسمار
وكمون حب وكزبره حب ليما تطلع ريحتهم شوي
وعقب نضيف بصل مقصص ناعم
ولا تشوقر نضيف كميه وافره من الثوم والزنجبيل
ونحمس عدل ونضيف فلفل اخضر مقصص صغار

..ونضيف حوالي طماطتين وسط مقصصين صغار
ونحمس بسرعه ونخلي المكونات تذوب مع بعض






نحمس ونضيف مقدار نص ملعقة اكل فلفل اسود
وبهارات مشكله وكزبره ناشفه
وشوية هيل ناعم ومكعب ماجي وورق غار
يعطي العيش ريحه خنينه ونحرك





نخلي المكونات تتمازج





نضيف شدة كزبره ونص شدة اشبنت مفرومين ناعم





نحمس عدل وبعدين نضيف قطع اللحم المغسله عدل





نخليها تتغلف عدل بالخلطه من كثر الحمس





وعقب ماحمسنا اللحم وطلعت ريحة البهارات ..
نكون مجهزين ماي حار بجدر ثاني نضيفه على جدر اللحم





ونضيف لومي اسود..آنا ازيد..
عيالي وقت الغدا يتهاوشون عليهم..ههههه .
.مزااااجهم اللومي





ونسكر الجدر ..وعقب حوالي ساعه ونص
نجيك على اللحم والملح اذا خلص وملحه اوكي..
نطلعه ..ونضيف العيش المغسول على مروق اللحم وهو يغلي..
واول عشر دقايق نعلى على النار ..
واذا شفنا الماي تناشف شوي من العيش..نوطي عالنار حيل .
.وافضل لو نسكر وجه الجدر بقصدير
علشان يستوي العيش من بخار الجدر.







وهذا لحمنا..رشيته بشوية هيل وشوية بهار مشكل..
وحطيت بمقلاة شوية زيت ..وحمرت اللحم علشان يتحمش.
.والي ما تبي تقلي اللحم ..
ترا عادي حبايبي مو شرط










ونسوي حشو هالمجبوس..غير عن حشونا التقليدي
وهو عباره عن بصل مقصص صغار
نحمسه بالزيت ولا تشوقر نضيف له جزر مبشور
كميه زينه ونحرك..ونضيف نص ملعقة اكل فلفل اسود
ونص ملعقة هيل ناعم ونص ملعقة لومي اسود مطحون
وشوية ملح..نحرك وعقب نضيف له حوالي ملعقتين اكل ماي ورد.
.يعطيه ريحة ..ولا اروع





واذا تناشف العيش عدل نرش وجهه بماي ورد منقعين فيه زعفران
ونحط علىيه الحشو..ونضيف قطع اللحم جنبه









ونجبنا غدانا اللذيذ.
.وانشالله تسوونه وتنجبونه وتاكلونه بالعاافيه
تفضلوااا..ياهلاا وغلاا...





ونثرنا الحشو عليه..يمي يمي..
وقليت حلقات بطاط ورصيتها على جنب الصحن ..
حكم القوي..ههههه عيالي لازم يبون بطاط مع العيش