[هيفولا]

صينية شاورما مدخنه


~ مـن بعدها بنترك شي اسمه شاورما ما يسمى بالمطاعم

السلام عليكم ورحمه الله وبركاته ..

جايبه لكم وصفه صينيه شاورما
وللأمااااااانه اخذتها من فروحة الإمارات
من احد المواقع مع شويه اضافات من عندي ..






المقادير :
صحن صدوور دجاج مقطع بالطول
او مربعات حسب الرغبه
علبه لبن زبادي
3 ملاعق خل ابيض
فنجان قهوه زيت زيتون
بابريكا
بهارات الدجاج
شوية ملح
فلفل اسود

باقي المقادير :
بصل مقطع حلقات
فلفل رومي
ثوم مدقوق
فحمه مولعه للتبخير ..
بطاطس مقليه

مقادير الخلطه البيضا :

علبه قشطه + كاسة جبن سائل الصغير
+ 3 ملاعق مايونيز + رشه بودره الثوم ..

للوجه سمااق ..

الطريقه :

نغسل الدجاج ونقطعه ونتبله بالزبادي وزيت الزيتون
والبربيكا والفلفل الاسود والخل وشويه ملح ..

نخليه يجلس كذا ساعه يكووون أفضل عشان ياخذ النكهه
.. لكن كنت مستعجله ما تركته الا شوي ..





نحط شوي زيت للتشويح ونشوح البصل
لييييين يصفر لووونه ونحط الثووم >>
غلط نحطهم مع بعض لأن الثوم بسررعه يتحمر عكس البصل ..



وبعدين نضيف الدجاج ونخليه يطبخ لين تجف مويته
.. ونزيده مويه مغليييه ونخليه يطبخ على راحته
لين يجفف >> عشاااان نضمن استوائه مرره
ما اثق في مويه الدجاج اللي ينزلها
احس يبققى الدجاج ني ومثل الجلد نزيده ملح اذا احتاج الأمر ..





نضيف الفلفل الرومي اخر شي عشان يحافظ على لونه
وقيمته الغذائيه وهو راح يذبببل مع البخاار ..



نولع الفحمه ونحط قصديره نشكلها على شكله زبديه
ونحط جواتها زيت وسط الدجاج بالصاج
ونطفي الجمره بالزيييت ونغطيها تاخذ النكهه اللزيييييييزه ..



نقلي البطاطس





نرص بالصينيه البطاطس وبعدها الدجاج ..





نسيت اصور مقادير الصوص الابيض ..
المهم هو نخلط الجبن والقشطه والمايونيز
مع شويه بودره ثووم ونصبها على الدجاج ،
ونرش فوقهم السماق ..
وندخلها الفرن تتحمر ..



وهنا بعد ماطلعت من الفرن .



وهنا شكلها النهائي ويممممممممي على الطعم
والخبز اللبناني ..



لكن بالاخير انظف واطعم وألذ من اللي يسمون نفسهم مطاعم ..





وهذي بيتزتي اللذيييييذه نزلت طريقتها
وهي سمكيه لكن اللي بالصوره سويتها نحيفه ...






وسويت معاها شوربه عدس بالكركم
والكريمه لذيييييذه جدا جدا جدا وبعد نزلت طريقتها سابقاً ..



وهذي التحلية كنااافتي بالموووز ^_
^ اللي تبغى الطريقه تروح قسم الحلويات بنزلها بعد شوي ..






وبالــــــهـــــــنـــــــا والـــــعــــــافــــــــــيــ ـــــــــه


هيفولا