[حور العين]

الأخ / حسني محو

قصيدة للبنات

لاتحسبين العرس تصفيق واصوات
وانتي على صوت الغطاريف همتـي

ولا تحسبين العرس كيكة وطرطات
وصلــه قـــطعتيهـا و وصلـــه بلعتِـــي

ولاتحسبين العرس كوشة ولمبـات
وانت كما الطـاووس فيها جلستــي

ولاتحسبين العرس احلام في الشات
يامـا بنيتيــــهـا ويامــــا هدمـتـــــي

ولا تحسبين العرس روحة وجيـات
هيا اقضبي بيتك عسـى مانهبلتـي

العـرس يابنيـة ماهـو شعـارات
تفنـى مراسيمــه وتبقيـن انتــــي

ويبقى شريك العمر راعي الطويلات
هذا هو العرس الحقيقـي عرفتــي

اول نصيحة لـك حفـظ الصلـوات
صلي العشا والفجر في كـل وقتـــي

وفي ليلة العرس الموفق وبالـذات
ادعـأأأي الكريـم الله اذا سجـدتــــي

والتعري لاترضين عند الكوفيـرات
ولبسك يملـي العيـن اذا لبستـــي

واللي على زوجك تحرضك مـرات
ارجــــوك شوتيهـا شوتـت بلنتــي

والصبر في العشرة حتى على فتـات
ياما حـــلا فعلتـك يومــــــك صبرتــــي

واذا حفظت السـر مـع المـدارات
زوجك ترى في عيونه انت كبرتـــي

والسوق يعني هاه وقت الضرورات
والاتــــرى زوجـك يــــدور لمفتـــــي

زيدي الغطاية وكثري في العبايـات
والله يرضــــى عنــك اذا ستـرتـــــي

اوصيك بالكبسة وكثـر الإيدامـات
حتى لو إنك مـن سببهـا متنتـــي

وخلي الرجيم اللي فشلتي في مرات
سويـه مـرة واحــــدة لا ولـدتـــــــي

اوراق شاعر يرسل ازكى التحيـات
خصـــيـه بالـدعــــوة اذا دعـوتـــــي