[هيفولا]

تشيز كيك بطعم توت العليق و كريمة الأفوكادو





تشيز كيك بطعم توت العليق و كريمة الأفوكادو


وسوف نقوم بتقديم شرح لطريقة تحضير الكيك من البداية حتى النهاية و نبدأ من المقادير اللازمة للوصفة

2 قالب 300 جرام من جبنة فيلادلفيا لكل قالب فيلادلفيا 2 حبة من جبنة كيري يعني 4 حبات
و 1 قشطة و ربع كوب كريمة الخفق
نص كوب سكر و 2ملعقة شاي جيلاتين مذوبة في موية حارة
وكمية الموية الحارة بيالة شاي
و 3 باكيت شاهي مطحونه و نص كوب زيت
+ 2 م ك زبدة مذوبه + م ك سكر بني
طبعا كل ما سبق هو هذي الأساس لأي تشيز كيك من غير منكهات
و الكمية تكفي لصينية تشيز كيك وسط
ضاعفوا الكمية اذا زادت مساحة الصينية.

تشيز كيك توت العليق باستخدام نفس المقادير السابقة
و باستثناء نص كوب السكر اللي راح ناخذه
ونعمل فيه بوريه توت العليق

وطريقة تحضير هي 2 كوب توت فرش ولا مثلج
اي واحد متوفر لديكم نخلطهم بالخلاط ونصفيها بصفاية القهوة
وبعدين نضيف السكر ونذوبه مع التوت ونحطه مع المقادير
التي ذكرناها سابقا نضيف الزيت و السكر و الزبدة على البسكوت
ونقلب في بعض ونحطها اول طبقة في الصينية
و ندخلها الثلاجة لحد ماتتماسك ونخلص باقي المقادير
شروط الأجبان ان تكون في درجة حرارة الغرفة عشان يسهل هرسها
وقت الخلط
و الجبنة الكيري نهرسها بالشوكة او المعلقة قبل مانضيفها

اول شي نخلط جبنة فيلادلفيا مع القشطة بعدين نضيف الكيري
وبعدين كريمة الخفق ونخلطهم دقيقتين
وبعدين نضيف بوريه التوت و نخلط وآخر شي نضيف الجيلاتين
بس اهم شي يكون دافي ويكون ذاب تمااماا
يعني نسويه من بدري عشان مانحطه حار نخلط لمدة دقيقتين
ونطلع الصينية من الثلاجة و نحط خلطة التشيز كيك
وندخلها الثلاجة لمدة 5 ساعات او ليلة كاملة أفضل.

ومن نفس هذي المقادير قد سويت تشيز كيك الكرز
جبت كوبين كرز شلت الحب اللي داخله
و خلطت الكرز بالخلاط وضفتها مع المكونات.
كريمة الأفوكادو:
المقادير:كوب سكر بودرة منخول و م ك زبدة بدرجة حرارة الغرفة
و نص حبة أفوكادو مهروسة
و ربع كوب كريمة الخفق لازم تكون باردة و نخلطهم بخلاط اليد
لحط ماتتكون عندنا كريمة ماخذه لون الأفوكادو الأخضر

. ثم تغليفة الشوكولاتة نص قالب شوكولاتة الطبخ أو 50 جرام شوكولاتة هيرشي شبه محلاة و ثلث كوب كريمة الخفق مع 4 م ك سكر بودرة و م ك ماء دافية.أول شي نقوم بتسخين كريمة الخفق لحد ماتطلع فقاقيع
وفي نفس الوقت نكون مقطعين الشوكولاتة قطع صغيرة مررا و نسكب عليها كريمة الخفق ونحرك حتى تذوب الشوكولاتة تماما ثم نضيف السكر البودرة ونخلط وآخر شي نضيف الماء ونخلطهم مع بعض ونتركها تبرد لمدة 10 دقايق
وبعدين نغلف أي حلويات نريدها حسب ماهو متوفر عندك ليس شرط شرط للتشيز كيك .