[هيفولا]

العشا النهارده كريب

فى لحظه تجلى قرب موعد العشاء
جلست فى الشرفه
وفضلت افكر
هتشعـــــى اااااااااااايه

زهقت من العشا التقليدى

(بيض - جبنه - زبادى الخ الخ الخ )

قولت لما اقوم اجرب فيهم حاجه جديده
الكــــــــــــريب




اتخذت القرار وذهبت فى طريقى الى المطبخ
وكانت هذه البدايه

اولا المقادير
كوبايه دقيق
عدد اتنين بيضه
كوبايه لبن
شويه قانيليا علشان ريحه البيض

الحشو
جبنه رومى
بسطرمه
صلصه او طماطم
فلفل رومى
وزعتر
بيدى طعم خطير
وممكن زيتون
وكل واحده وحابه تعمل الحشو ايه
ممكن شاورمه فراخ
وممكن لحمه مفرومه على الصاجه
او سجق او تونه
وممكن تهمليه حلو كمان يتحشى
شيكولاته ومكسرات اوى مربى وكريمه
كل واحده ومزاجها وابتكاراتها

الطريقه
تاخدى مقدار من الخليط بالكبشه فى طاسه سخنه فيها نقطتين زيت
وتسبيها تحمر من تحت شويه هتلاقيها نطرت من الاطراف
تشليها وتقلبيها ع الوش التانى لغايه ما يتحمر بردو
وتعملى كده فى المقدار اللى عندك كله
بعد ما تخلصيه
تكون محضره الحشو
هتبقى الكريبايه على شكل دايره
تيجى فى ربع واحد من الدايره
وتحطى الصلصه الاول وبعدين البسطرمه والجبنه الرومى عليها
وبهدين الزعتر والفلفل الرومى
وبعدين تطبقيها على شكل ربه وبراحه وعلى مهلك علشان الحشو مش يقع
وتاخديها وتحطيها فى الطاسه السخنه على الوش الاقرب للحشو وتحطى
عليها طبق علشان يثبتها وتمسك فى بعضخا والحشو مش يقع منها
وبعدين تقلبيها على الوش التانى بعد الجبنه ماتسيح
وتسبيها تقمر او تنشف شويه وخلى بالك من الحشو علشان ميقعش
وتطلعيها على منديل وتحطي الكميه كلها فى طبق التقديم
بعد ماتخلصيها كلها
والف هنا وشفا
ملحوظه
اهم حاجه لما تاخدى بالكبشه من الخليط
وتحطى فى الطاسه تبقى طبقه رفيعه
علشان انتى هتطبقيها على اربعه

ده البيض واللبن



ده لما حطيت الدقيق عليهم وضربتهم فى الخلاط ضربا مبرحا




اخدت بالكبشه شويه من الخليط ده وحطيتهم فى مقلايه
وكنت حاطه نقطتين زيت بس فى الاول
بعد كده محتطيش ومبقتش تلزق لما سخنت اوى





دى اول كريبايه عملتها الاطراق محرمشه
ممكن تشليها بسهوله بس بيبقى طعمها حلو فاسيبتها




دى بعد ماحشيتها
نسيت اصورها قبل ما اقفلها



وبعدين تسخنى المقلايه تانى
ومحطيش فيها زيت ولا حاجه وتحطى فيها الكريبات
وخلى بالك انها مفتوحه علشان الحشو ميقعش منها
وهتسبيها شويه لغايه الجبنه ماتسيح
وتنشف شويه من بره تبقى مقرمشه كده




وتحطى من فوقيها طبق وتضغطى عليه شويه علشان تبقى مستويه
وتمسك فى بعض ومتفكر والحشو يقع منك وانتى بتقلبيها
تقلبيها ع الجمبين وتتاكدى من الجمب اللى فيه الحشو انه الجبنه ساحت



دى بعد ما خلصت خالص والجبنه ساحت جواها وقرمشت من الجمبين



تتقدم وهى سخنه والجبنه سايحه جواها وبتشد
ومعاها شويه مخلل حلوين كده
والف هنا وشفا






الف هنا وعافية

هيفولا