3-بسكوت العيد للشيف حسن
(بالقمع والماكينة)
مقادير بسكوت العيد:
هذه المقادير للى هتشكل البسكوت بالقمع أما لو هتستعملى ماكينة بسكوت العيد
استبدلى ال750 جم دقيق بكيلو دقيق حتى تكون العجينة متماسكة.
مقادير بسكوت العيد للشيف حسن :
- 500 جم زبدة
- 200 جم سكر
- 100 جم لبن
- 20 جم نشادر
- 5 جم فانيليا
- 750جم دقيق
- 3 بيضات
- نصف معلقة بيكنج بودر
طريقة بسكوت العيد:
1- نقوم بخلط السكر والزبدة والنشادر والدقيق
مع بعض في العجانة وتخفق خفقا جيدا.
2-ثم نضيف البيض بيضة ببيضة والعجانة شغالة.
3-ثم نضيف الفانيليا.
4- نقوم بإضافة اللبن(الحليب) سرسوب رفيع جدا واعجن في العجانة.
5- نخلط نصف معلقة البيكنج بودر ونستمر في العجن.
6- نجيب القمع بتاع الحلويات ونحط فيه وش البسكويت .
7- لما نتأكد ان العجينة بقت طرية جدا ناخد جزء منها
ونحطه في كيس القمع ونخرج البسكويت عندنا في الصينية.
8- تدخل الفرن علي درجة حرارة 120 مئوية لمدة 20 دقيقة وتخرج.
وبالهنا والشفا
4-كحك العيد للشيف أحمد القاضى
المقادير :
1/2 ك دقيق.
275 جم سمن بلدي يتم قدحها على النار.
125 جم لبن.
ملعقة صغيرة خميرة.
سكر بودرة للتزيين.
يمكن اضافة معلقة صغيرة ريحة كحك حسب الرغبة.
طريقة تحضير العجمية للحشو:
1/2 ك عسل نحل.
70 جم سمنة.
70 جم دقيق .
طريقة عمل كحك العيد المصرى
الطريقة :
لعمل العجمية :
- نفس طريقة البشاميل بس نطفيها بعسل مش بلبن.
- في حلة نضع السمنة والدقيق ونقلب على النار تقليب مستمر.
- ممكن اضافة معلقة دقيق اخرى لربط الخليط مثل طريقة البشاميل.
- ونستمر في التقليب حتى يصير اللون ذهبي
- وهنا نضيف العسل ونستمر في التقليب حتى تغلي وتتماسك
- ونرفعها من على النار ونتركها لتبرد
- ونستخدمها كحشو للكحك (
- وممكن اضافة سمسم اثناء التقليب على النار)
لعمل الكحك :
طريقة عمل كحك العيدالصور
- على النار نضع كمية السمنةلتغلي حتى تتقدح
- وعندما تصل لدرجة الغليان نضع رشة دقيق صغيرة جدا عليها
- وهى على النار اذا فارت نأخذ السمنة وننزل بها على الدقيق في الماكينة
- واحدة واحدة وتتقلب وبعد ما تتقلب كويس نضيف اللبن بالتدريج
- وهى بتتقلب كويس في الماكينة
- وفي الآخر خالص بدوب الخميرة في آخر شوية لبن
- واحطهم والماكينة شغالة ومستمرة في التقليب حتى تتجانس العجينة
- ثم نأخذ العجينة ونقطع منها قطع ونكورها باليد
- ونضع بها قطعة من الحشو سواء عجمية أو ملبن أو عجوة ونكورها
- ونضعها في الصاج ونضغط على كل واحدة بمنخل سلك صغير
- لعمل نقوش مربعات صغيرة عليها من أعلى أو نستخدم أداة للنقش.
- منالممكن ترييح العجينة بعد تشكيلها
- وممكن تدخل الفرن مباشرة بدون ترييح.
- تدخل الفرن على درجة حرارة 150 : 160 درجة لمدة 25 دقيقة.
يتبع