الموضوع
:
قلوب عجة القرنبيط فى الفرن
عرض مشاركة واحدة
#
1
05-11-2013, 08:24 PM
هيفولا
Super Moderator
تاريخ التسجيل: May 2010
المشاركات: 7,422
قلوب عجة القرنبيط فى الفرن
قلوب عجة القرنبيط فى الفرن
الوصفة دى ماشاء الله طعمها وريحتها ماشاء الله
وتنفع اوى مع الناس الى بيعملوا دايت
وكل واحد عارف نفسه
فى حال الدايت هتستبدلى السمن بقليل من زيت الزيتون
والاطفال هيحبوها بالطريقة دى جدا
وكمان لو عرفتى تجيبى اى اشكال قوالب
وعلى فكرة
سعر القوال
ب السيلكون دى رخيصة جداا
وهتحببهم اوى انهم يكلوها
والوصفة تنفع لاى وقت فطار , غداء, عشاء لانها ماشاء الله خفيفة
بجد بتمنى تجربوها وبعد كدة انتو احكموا
نص حبة متوسطة قرنبيط
2 عود بصل اخضر
نص كوب كزبرة خضراء
4 م ك دقيق
2 م ص ملح
ربع م ص فلف أسود
1 م ص كمون
نص م ص كزبرة ناشفة
1 م ص بيكنج بودر
4 حبة بيض كبيرة مخفوقة قليلا
3 او4م ك سمن مذابة
1.هنسخن الفرن على حرارة 200 اعلى من متوسط
بشوية على الرف الاوسط الشبك
ممكن فى قوالب صغيرة او فى صينية هتدهينها بسمن او زيت قليل ونتركها على جنب.
ولو مش عاوزة فى الفرن ممكن على البوتجاز عادى زى ما بتعملى البيض
2.قطعى
القرنبيط قطع صغيرة وفى حلة حتضيفيه مية
وهتسبيها لحد ما تغلى جامد وهتضيفى القرنبيط المقطع
وهنضيف م ك كمون +م ص ملح
(مش تزودى ملح فى الخطوة دى كفاية اوى م ص لاننا لسة هنضيف تانى)
لحد ما تلاحظى ان القرنبيط اصبح لين هنصفى من ماء السلق
.3.هنحطة فى طبق عميق وبالشوكة هتفتتيه الى قطع صغيرة
مش مهروسةخالص مجرد قطع صغيرة.
4.حنقطع البصل مع اوراقة + الكزبرة الخضراء قطع صغيرة
وحنضيفهم على الطبق الى قطعنا القرنبيط فيه وحنضيف
الدقيق +الملح + الفلفل الاسود + الكزبرة الناشفة +البيكنج بودر+ البيض
حنقلب لحد مايتجانس كل الخليط مع بعض
5.وزعى الخليط فى القوالب بحيث يكون 3
/4القالب او فى الصينية المتوفرة عندك
لان لسه حجمة حيزيد وحيرتفع.
6.هنضيف السمن المذاب على سطح القالب اوالصينية
7. ندخلهم الفرن لحد ما يحمر من الجوانب
وتحت ويتماسك وولعى الشواية يحمر الوش.
وطلعيه ولو فى قوالب مش تخافى حيطلع معاكى بكل سهولة ان شاء الله ..
وتقدم ســاخنة
ال
ف هنا وعافية
هيفولا
هيفولا
مشاهدة ملفه الشخصي
إرسال رسالة خاصة إلى هيفولا
البحث عن المشاركات التي كتبها هيفولا