[هيفولا]

أسرار نجاح و عمل البيتزا مثل المطاعم :




بيتزا ناجحة و مقرمشة و قاعدتها ذهبية كل مرة .
. ان شاء الله الخطوات حتضمن أن البيتزا اللي بتعمليها ناجحة و احلى من برة كمان ….
1- دي عجينة مثالية للبيتزا و من غير بيض او زبادي ….. ثلاثة و ربع كوب دقيق ،
رشة ملح ، معلقة صغيرة سكر ، ثلاثة ارباع معلقة صغيرة خميرة فورية ،
2 معلقة كبيرة زيت ، و لو عندك اعشاب مجففة زي الريحان او الزعتر ،
ضعي رشة منهم ، ماء دافئ للعجن .

2- انخلي الدقيق ، رشة الملح مرة او مرتين ، و بعدين ضيفي الاعشاب المجففة و الزيت .
3 – ذوبي الخميرة مع ماء دافئ و قليل من السكر ،
و أتركيها تقريبا من 10 -15 دقيقة تتفاعل ، و بعدين ضيفيها للعجين
و اعجني كويس مع اضافة الماء الدافئ بالتدريج لحد ما تتكون عجينة لا تلتصق باليد
4- غطي العجينة و سيبيها تخمر حوالي من ساعة الى ساعة ونصف ،
و افرديها في صينية واحدة كبيرة او صينيتين وسط .
5 – ادهني الصينية اللي بتضعي فيها البيتزا بالزيت ،
و رشي فيها دقيق سميد ( السمولينا او دقيق البسبوسة ) كمية كتيرة شوية ،
لان دا اللي بيحمر البيتزا من تحت و يديها اللون الذهبي و كمان بيخليها مقرمشة..
6– ابشري ثوم تقريبا 4 او 5 فصوص و ضعيهم في طبق غويط ،
و ضعي فوقهم زيت عباد شمس او ذرة ، و سيبي الثوم يتنقع في الزيت ،
و بعد كده استخدمي الزيت فقط في دهن
وش البيتزا قبل ما تحطي الصلصة عليها و ادهني كمان اطراف البيتزا .
6- صلصة البيتزا عبارة عن طماطم طازجة اضربيها في الخلاط ،
مع فصين ثوم و شوية زعتر ، او ريحان مجففين و بعدين صفي الخليط
و ضعيه في وعاء على النار به قليل من الزيت ، لحد ما الصلصة تتسبك و ادهني بيها البيتزا .
7 – ضعي الحشو و رشة زيت خفيف فوقه و أتركي البيتزا حوالي ربع ساعة كمان ،
و دخليها فرن سخن حوالي 220 او 230 لحد ما الجبن يسيح و الاطراف تبقى ذهبي..

هيفولا