[هيفولا]

الفول المدمس

ربع كيلو فول تدميس بلدي

- 4 معالق كبيرة عدس اصفر

- طماطمية منزوعة القشرة

- جزرة صغيرة مبشورة

- لمونة مقطعة نصين بقشرها
نغسل الفول وننقعة من بالليل للصبح

ونحطه في حلة المونيوم او اللي عنده قدرة فول يكون احسن

ونغطية بميه
ونحط عليه الجزرة والطماطمية والعدس واللمونة ونرفعه على النار

وبعد ما يغلي نوطي عليه النار خالص

ونسيبه حوالي 3 ساعات ولو احتاج ميه نحطله ميه مغلية

الى ان تستوي الفولة خالص ونطلع منه اللمونة

اللي حطناها في الاول نهرسها اوي ونحطها تاني

وبعد ما نرفعه من النار نعصر كمان لمونة

وبعد ما يبرد نقسمه اكياس ونحطه في الفريزر

بيكون احلي واوفر من الجاهز

الربع كيلو ب 2،5 جنية عمل أربع اكياس محترمين ...

وبالهنا والعافية
هيفولا