عرض مشاركة واحدة
  #1  
قديم 09-19-2018, 09:13 AM
هيفولا هيفولا غير متواجد حالياً
Super Moderator
 
تاريخ التسجيل: May 2010
المشاركات: 7,422
افتراضي الارز بلبن بتاع المحلات بس بلمسات اوروبيه .


الارز بلبن بتاع المحلات بس بلمسات اوروبيه .



هنعمل ارز بلبن بصوص دولسى دى ليتشى .

مكوناته زى اللى عملناه المره اللى فاتت بس هنزود صوص دولسى دى ليتشى وعودين قرنفل فقط .


نقرتين لعرض الصورة في صفحة مستقلة



المقادير /

كيلو لبن
100 جرام ارز ( نصف كوب ).
100 جرام سكر او حسب الرغبه . (نصف كوب ) .
باكو ايس كريم بودر فانيليا .
20 جرام لبن بودرة . ( معلقتين كبار )
20 جرام كريم شانتيه .( معلقتين كبار )
5 جرام فانيليا . ( باكو )
2 عود قرنفل .

طريقة العمل /

نغسل الارز كويس جدا وننقعه فى الماء لمدة نصف ساعه وبعدين نصفيه من الماء .

نغلى اللبن وبعدين ننزل عليه بالارز ونقلب وبعدين نغطيه ونطفى النار ونتركه لمدة ساعه .

نرجع نشغل النار تانى ونقلب الارز كويس علشان ممكن يتحرق من تحت واول مايغلى اللبن هنطفى عليه تانى ونغطيه ونتركه نصف ساعه .

بعد كده هنشغل النار بس على درجه حرارة هاديه جدا وناخد جزء بسيط من اللبن وننزل عليه بالسكر واللبن البودرة
والكريم شانتيه وبودرة الايس كريم والقرنفل ونقلب الخليط كويس جدا بمضرب سلك
وبعدين ننزل بيه على الارز بلبن مع التقليب المستمر .

اول ما يتماسك الخليط ويبقى تمام فى التسويه هنضيف الفانيليا ونطفى النار عليه ونشيل القرنفل .

نغرف الارز بلبن فى اطباق او كاسات ونعمل طبقة ارز وطبقة صوص ولما يبرد يدخل الثلاجة .

مقادير وطريقة عمل صوص الدولسى دى ليتشى .
400 جرام لبن مكثف محلى هنحطهم على النار فى حلة وتكون نظيفه وخاليه من اى مياه
ونقلب بمضرب سلك لحد ما اللبن يتحول للون البنى الفاتح وبعدين نطفى النار ونشتغل بيه



رد مع اقتباس