عرض مشاركة واحدة
  #4  
قديم 07-30-2014, 08:18 AM
هيفولا هيفولا غير متواجد حالياً
Super Moderator
 
تاريخ التسجيل: May 2010
المشاركات: 7,422
افتراضي حلويات العيد1435 (3)-4-

4-كحك(كعك) العيد بالملبن
على الطريقة المصرية


نقرتين لعرض الصورة في صفحة مستقلة


المكونات:

كيلو دقيق
نصف كيلو سمنة بلدى سايحة(انا استخدمت سمنة الحلوب)
كوب ونصف ماء دافىء (ممكن استبداله بحليب)
نصف ملعقة كبيرة خميرة فورية
2 ملعقة كبيرة سكر
5 ملعقة كبيرة سمسم مش محمص
ملعقة كبيرة ريحة كحك
(وريحة الكحك دى من المكونات الاساسية للكحك المصرى
وهى عبارة عن خلطة بهارات مكونة من حبهان وقرنفل وجنزبيل
وقرفة وشمر مطحونين واحنا بنشتريها جاهزة من عند العطار)


مكونات الحشو:

نصف كيلو ملبن(الملبن نفسه هو الراحة )
2 ملعقة كبيرة سمنة
3 ملعقة كبيرة سمسم
نقطتين ماء زهر

الطريقة:
هنبدأ فى تحضير عجينة الكحك ودى صورة ريحة الكحك للى ميعرفهاش
نقرتين لعرض الصورة في صفحة مستقلة
فى اناء هنحط الدقيق ومعاه ريحة الكحك ونقلبهم
ونعمل حفرة فى النص نحط فيها السمسم
ونقدح السمنة وننزلها على الدقيق
وهتعمل فوران لأنها لازم تكون بتغلى
وطبعا غليانها ده هيخلى السمسم يتحمص
وفيه ناس بتحط السمنة باردة من غير ماتقدحها
بس انا بعمل الكحك بالطريقة المصرية التقليدية
طريقة جدتى الله يرحمها


نقرتين لعرض الصورة في صفحة مستقلة
ونقلب الدقيق مع السمنة كويس بالمعلقة
لأن السمنة سخنة يعنى نبس العجينة زى مابنقول فى مصر
لغاية ماالدقيق يشرب كل كمية السمنة

نقرتين لعرض الصورة في صفحة مستقلة
ونسيبهم يبردوا خالص
وفى الكوب ونص ميه هندوب الخميرة والسكر
وننزل بيهم على الدقيق والسمنة

نقرتين لعرض الصورة في صفحة مستقلة

ونبدأ نعجن بايدينا او بالمعلقة ونلم العجينة بايدينا

نقرتين لعرض الصورة في صفحة مستقلة

ونغلفها ونسيبها تخمر فى مكان دافى من مدة ساعة لساعة ونص
وفى الوقت ده هنجهز حشوة الملبن
هنقدح السمنة على النار ونطفى النار ونحط السمسم يتحمص فى السمنة
على السخونية ونقلبه
نقرتين لعرض الصورة في صفحة مستقلة

ونقطع الملبن قطع ونحطه على السمنة والسمسم

نقرتين لعرض الصورة في صفحة مستقلة

ونشغل النار ونقلبهم كويس لغاية ماالملبن يمتزج مع السمنة والسمسم
ويبقوا كتلة واحدة
واخر حاجة نضيفلهم ماء الزهر وطبعا الخطوة دى اختيارى
نقرتين لعرض الصورة في صفحة مستقلة

نرجع لعجينة الكحك هنلاقيها اختمرت كويس

نقرتين لعرض الصورة في صفحة مستقلة

هناخد جزء من العجينة نكوره

نقرتين لعرض الصورة في صفحة مستقلة

ونعمل حفرة فى النص

نقرتين لعرض الصورة في صفحة مستقلة

ونكون مكورين الملبن ومجهزينه للحشو

نقرتين لعرض الصورة في صفحة مستقلة

ونحط فى الحفرة دى كورة من كور الملبن
نقرتين لعرض الصورة في صفحة مستقلة
ونقفل العجينة
نقرتين لعرض الصورة في صفحة مستقلة

ونكون محضرين فورم تشكيل الكحك او المناقيش
نقرتين لعرض الصورة في صفحة مستقلة

نحط العجينة فى الفورمة ونضغط عليها

نقرتين لعرض الصورة في صفحة مستقلة
وننزلها من الفورمة على صينية مدهونة
نقرتين لعرض الصورة في صفحة مستقلة

ونرص الكحك فى صوانى مدهونة سمنة

نقرتين لعرض الصورة في صفحة مستقلة

نقرتين لعرض الصورة في صفحة مستقلة
نقرتين لعرض الصورة في صفحة مستقلة

وندخل الكحك فرن حرارته عالية ومسخنينه قبل كده
ونطلعه لما وشه يحمر ويستوى
وفيه ناس بتسيبه يختمر بعد ماتحطه فى الصوانى
بس ده هيغير شكل الكحك والنقشة بتاعته هتختفى
ولما يبرد خااااااااااااااالص نرش عليه السكر بودرة ونقدمه
وده شكله بعد التقديم

نقرتين لعرض الصورة في صفحة مستقلة


نقرتين لعرض الصورة في صفحة مستقلة
وده شكل الملبن جوة الكحك
نقرتين لعرض الصورة في صفحة مستقلة


الكحك طلع طعمه اكثر من رائع بس ناعم جدا ودسم
لأننا بنحبه كده لو انتم عاوزينه اخف ممكن تستبدلوا السمنة بزبدة


رد مع اقتباس