[هيفولا]

بسبوسة بالقشطة ناجحة من أول مرة

عملت بسبوسة بالقشطة وطلعت رووووعه بتمنى تنال اعجابكم

للي طلبو مني مقادير الصينيه هاي هي:
عيارها كأس ونصف سميد خشن كأس سكر كأس زيت ذره كأس جوز الهند
ونصف كأس طحين وكأس ونصف لبن رايب 4 بيضات
و 4ملاعق بيكنج باودر و4 ملاعق فانيليا وملعقتين سمنه بلديه
لاعطاءه نكهة متل لكنافه الناعمه…
مقادير القشطه
عباره عن 3 كوب حليب و 6 ملاعق نشأ وملعقة فانيلا
و 3 ملاعق سكر وملعقه صغيره ماء الزهر وعلبة قشطه جاهزه.

…مقادير القطر
كوبين كبار سكر كوب ماء وعصرة ليمون وملعقة فانيلا
ولما يجهز القطر بضيف ملعقتين سمنه بلديه.


الطريقه:
اول شي بنخلط السوائل وبعدها بنخلط النواشف
وبنضيفها للسواءل بعدها بنجيب الصينيه وبندهنها طحينيه
وبنسكب نصف خليط البسبوسة وبندخلها الفرن لمدة ربع ساعه
حتى تتحمر أطراف البسبوسة فقط يعني ممنوع يتحمر الوجه بنطلع البسبوسة من الفرن
وبنضيف القشطه يلي حضرناها على النار وبنسكبها فوق البسبوسة
وبنساويها بالملعقه شوي شوي
وآخر شي بنضيف الطبقه الاخيره من الخليط وبنرجعها للفرن
في الطبقه العليا حتى يتحمر أطراف البسبوسة
وبس تنضج منزلها تحت الشوايه وبنحمرها على طول
وبنطلعها من الفرن وبنسكب القطر عليها لازم يكون القطر بارد
والبسبوسه دافيه وبنزينها بالفستق الحلبي والفستق السوداني ورشه خفيفه من جوز الهند
وبنفوتها الثلاجة لمدة أربع ساعات أو أكثر حتى تتماسك
وبكون طعمها روووعه
وصحتين وهنا

هيفولا


==========