الموضوع
:
تشيز كيك بالفراولة على طريقتى الخاصه بالصور
عرض مشاركة واحدة
#
1
03-05-2013, 06:54 AM
هيفولا
Super Moderator
تاريخ التسجيل: May 2010
المشاركات: 7,422
تشيز كيك بالفراولة على طريقتى الخاصه بالصور
تشيز كيك بالفراولة
على طريقتى الخاصه بالصور
بسم الله الرحمن الرحيم
المقادير لطبقة الكيك
250 جرام دقيق تورته
معلقه صغيره محسن كيك
3 معالق كبار ماء
3 بيضات
المقادير لطبقة التشيز
250 جرام جبنه كيري
2 زبادى
2بيضه
كوب سكر
كوب الا ربع لبن نيدو
كوب كريمه باودر
عصير ليمونتين
فانيليا
ذرة ملح
مقادير التوبينج
فروله مقطعه شرائح
باكوجيلى فراوله
صوص شيكولا
نبدا الطريقه
اول حاجه هنعمل الكيك الاسفنجى
ويابنات اللى مش متوفر عندها دقيق التورته تعمل كيك اسفنجى عادى خالص
بس عايزين طبقه رقيقه
اول حاجه هنحط البيض والمحسن ومعلقة ميه ونقلبهم دقيقه
بعدين نضيف الدقيق وباقى كمية الميه
ونضربهم حوالى 7 دقايق
بعد مالون الخليط يفتح هنحطهم فى صنيه مبطنه زبده ودقيق
والخليط هيكون تقيل شويه مش سايل نحاول نفرده ونساويه
وطبعا الفرن سخن ندخلها على 180
هتاخد من 20 ل 25 دقيقه بالكتير
ونختبرها بخلة سنان
على ما الكيك يستوى هنروح نعمل طبقة التشيز
وهى سهله برضه جدا
هنحط كل المكونات على بعض ماعدا البيض
كده
ونضربهم كويس حوالى 3 دقايق هيبقوا كريمى جدا
نضيف عليهم البيض كده
ونضرب تانى حوالى كمان 5 دقايق هيبقوا كده بصوا كريمى ازاى
هتكون بقا الكيكه استوت
نطلعها من الفرن ونصب عليها الخليط ده
وندخلها الفرن تانى
نساويه كويس
انا دخلته تانى الفرن على 160 اهدى حاجه
لمدة تلت ساعه
علشان نضمن ان البيض استوى كويس
طب نعرف ازاى انها تومام خلاص
هنلاقى سطح طبقه الجبنه شدت كده
ومسكت نفسها زى المهلبيه
بس المفروض انها تفضل بيضا زى ماهيه
نطلعها ونسيبها تهدى
وندخلها التلاجه لحد ماتبرد خالص مدة ساعه
على مانعمل التوبنج
وده اختياري
اللى بتحب اى طعم تحطه انا حطيت فراوله
هنقطع الفراوله شرايح وندوب الجيلى فى نص كباية ميه بس
ونرفعهم مع بعض على النار 5 دقايق لحد ماياخدوا من طعم بعض
ونسيبهم يبردوا بردوا خالص برا التلاجه
ولازم الكيكه تبقا بارده وصوص الفراوله بارد
والا الكيك هيشرب الصوص وتبوظ
هنا طلعتها من التلاجه وحطيت عليها الصوص
وندخلها التلاجه تانى حوالى ساعتين علشان تتقطع بسهوله
الافضل نسيبها يوم ف التلاجه
كيك وفراوله وشيكولاته
بصوا الفراولايه دى تحسوا انها واخده شاور شيكولاته
بصوا الطبقات هنا
من الجنب
واخده pause زى الممثلين
من جوا بقا شايفين
للتعذيب
صوص الشيكولاته
عباره عن شيكولاته خام دارك 200 جرام اربع مكعبات تقريبا
اربع معالق كريم فريش او لبن شغال برضه
مكعب زبده ونرفعهم على حمام مائى لحد مايختلطوا
الف هنا وعافية
هيفولا
هيفولا
مشاهدة ملفه الشخصي
إرسال رسالة خاصة إلى هيفولا
البحث عن المشاركات التي كتبها هيفولا