[هيفولا]

تشيز كيك مانجا

طبقة البسكوت

٢٠٠جم بسكوت سادة انا باحب اولكر بس ممكن اي نوع

و ١٠٠جم زبدة سايحة باحطهم في الفود بروسسور

و افردهم في الصينية وعلي التلاجة

طبقة التشيز

٤باكت دريم ويب ضربتهم مع كوب لبن متلج ونزلت عليهم ب

علبة فلادلفيا ٣٠٠جم وضربت وبعدين علبة قشطة نستله وضربت

وكنت مدوبة معلقتين كبار جيلاتين في نص كوب ميه مغليه

ولما بردو خالص صفبتهم وضفتهم علي الكريمة وضربت كويس

نزلت نص الخليط على البسكوت

و كنت مقطعة مانجا شرايح رفيعة حشيت بيها

ونزلت بباقي الخليط وع التلاجة للصبح

طبقة الصوص

مانجا كبيرة فرمتها في الفود بروسسور من غير ميه

وعلي النار مع نقطتين ليمون وانا حطيت معلقتين سكر

عشان كانت ماسخة شوية مع التقليب لغاية ماتتقل

وسبتها بردت خالص وقطعت مانجا مكعبات رقيقة

و فردتها علي الوش وعليها الصوص و سقعتها ساعتين كده وكانت روعة

الف هنا وعافية

هيفولا