الموضوع
:
معجنات بالصور بالتفصيل الممل
عرض مشاركة واحدة
#
1
10-16-2012, 08:08 AM
هيفولا
Super Moderator
تاريخ التسجيل: May 2010
المشاركات: 7,422
معجنات بالصور بالتفصيل الممل
معجنات بالصور بالتفصيل الممل
انا جايبلكم انهرده طريقة عمل المعجنات بالتفصيل الممل
وياريت تجربوها بجد هتعجبكم اوووى
اولا : المقادير
مقادير العجينة
4 كوب طحين
نصف كوب زيت
كوب ونصف حليب
( كله فى حجم المج اللى حطاه )
معلقة ونص كبيرة خميرة
معلقة ونص كبيرة سكر
وربع معلقة كبيرة ملح
للحشو
جبنة
نقانق
طماطم
فلفل اخضر او احمر ( حسب الرغبة )
زيتووون
للتزيين
سمسم
حبة البركة
بيضة
هنحط الدقيق فى الصينية او اى طبق كبير
ونحط فوقه الخميرة والسكر والملح
وبعدين نضيف الزيت
ونقعد نفرك فى العجينة
لمدة 10 دقايق
لحد ما يبقا كده شكلها
وبعدين بقا نبدأ نحط الحليب
عشان نعجن ونقوى عضلات الايدين
ونفضل نعجن نعجن لمدة بردو 15 دقايق
بس عاوزه اقلكم حاجه متحطوش كمية الحليب كلها مره واحده
قسمو الكمية على 3 مرات
واعجنو لحد ما تحسو ان العجينة مبقتش بتلزق
لان فى كل مره هتحطو الحليب
هتحسو ان العجينة لاصت منكم وعماله تلزق فى الايد
لاه استمرو فى العجن هتلاقوها مسكت نفسها وبطلت تلزق فى الايد خااااالص
فهمتونى
لحد ميوصل شكلها لكده
وبعدين نلفها فى كيس نايلون ونحطها فى مكان دافى
ونسيبها تخمر لمدة 45 دقيقة ( ساعه الا ربع )
ولو الدنيا برد حطوها فى حاجه صوف
وحطوها فى الفرن
وبالهنا والشفا
.
.
.
.
.
.
.
.
.
.
.
.
.
.
.
.
استنو استنو رايحين فين احنا هنحطها فى الفرن عشان بس
مكان مغلق عشان تخمر يعنى
وبعد ال 45 دقيقة نبدأ نشتغل بقا ونعمل اللى احنا عاوزينه
انا عن نفسى عملت بيتزا
ومعجنات جبنة
ومعجنات نقانق
وبالنسبة لمعجنات الجبنة والنقانق
بندهن وشها بالبيض ونكب عالوش سمسم وحبة البركة للتزيين
ومتنسوش تدهنو الصوانى زيت او زبدة عشان متلزقش
واليكم الصور وهمن داخلين الفرن
بالصلاة على النبى
وطبعا قبل ما ادخلهم الفرن بكون مشغله الفرن بحميه مش بديلو دش
لاه بسخنو يعنى
واول ما ادخل الصينية اسيبها 3 دقايق بظبط وبعد كده اوطى الفرن عالاخر
واسيبها تنضح براحتها
حلوه تنضج دى
وبعدين بقا بطلعها كده
وبالهنااااااااااااا والعافية
هيفول
ا
التعديل الأخير تم بواسطة هيفولا ; 10-16-2012 الساعة
08:12 AM
هيفولا
مشاهدة ملفه الشخصي
إرسال رسالة خاصة إلى هيفولا
البحث عن المشاركات التي كتبها هيفولا