الموضوع
:
اكلات عيد الاضحى
عرض مشاركة واحدة
#
2
09-28-2014, 10:26 AM
هيفولا
Super Moderator
تاريخ التسجيل: May 2010
المشاركات: 7,422
أكلات عيد الاضحى-2
2_ كبده اسكندراني
------------
اولا الكبده بتتقطع صوابع رفيعه هنقطع بصله وفلفلايه
رومي ومعلقه توم ونشوحهم في حبه زيت نزلنا بالكبده علي نار عاليه
نشوحها عشان متنزلش مايتها بعد ما تتشوح ننزل عليها بالطماطم
ونعصر عليها نقطتين ليمون ومعلقه خل و الملح
والفلفل الاسودرشة قرفه رشة جنزبيل هنوطي عليها
ونسبها 5 دقايق مش بتاخد اكتر من كده
كبدة اسكندراني بالصور
المقادير
1/2 كيلو كبدة مقطعة شرايح
(المقادير دي لشخصين او 3 بس لو اكتر بتزودي الكمية )
فلفل رومي ألوان حوالي 5 أو 6 وحدات
فلفل حامي ( حسب الرغبة )
بصل مقطع شرايح
تتبيلة الكبدة
حوالي 4 أو 5 فصوص ثوم كبيرة مدقوقة
خل
ليمون
ملح وفلفل
الطريقة
هاتي الكبدة الشرايح واغسليها كويس أوي بالخل والليمون
تبليها بالثوم المدقوق والملح والفلفل وغرقيها في الخل والليمون
سيبيها لمدة نصف ساعة
بعد كده قطعي البصل والفلفل الحار والفلفل الرومي شرايح
بعد كده اخلطيهم مع بعض
هاتي طاسة وحطي فيها شوية زيت ذرة أو عباد زي ماتحبي
وطشي فيها الكبدة
سيبيها تغلي مع بعضها على نار عالية
وبعدين وطي عليها النار لتحت
ماتضيفيش ليها مية هي هتنزل ميتها وهتستوي فيها
بعد كده علي عليها النار علشان تنشف
زي كده
بعد ماميتها تنشف أعدي قلبيها لحد ماتتحمر في الزيت اللي انتي كنتي حطاه
إغرفيها في الطبق واعملي جنبها سلطة طحينة
ياسلام عليها وعلى طعامتها وهي بتتاكل بالعيش البلدي مع المخلل وسلطة الطحينة
جربوها وهتعجبكم جدا جدا ان شاء الله
وخلوها مشطشطة على اد ماتقدروا
بتجنن
تابعوني
هيفولا
مشاهدة ملفه الشخصي
إرسال رسالة خاصة إلى هيفولا
البحث عن المشاركات التي كتبها هيفولا