[هيفولا]

قرنبيط مقرمش و خفيف و لذيذ

النهارده طبقنا بسيط بس جمييييل و ناس كتير بتحب القرنبيط
هو مافهوش جديد اوي
بس اهو يمكن يفيد اللي ميعرفش يعملو او المبتدئات




نبدا باسم الله

المكونات سهله خالص و بسيطه
قرنبيطه صغيره
دقيق
3 بيضات
بقدونس
شبت
2 فلفل اخضر
كمون و ملح
زيت للتحمير

هانقطع القرنابيطه قطع متوسطه و نسلقها في ميه و نحط فيها ملح و كمون
و شويه بقدونس عشان تمتص الغازات

هانسبها 10 دقايق ونطلعهم



بعد كده هانجيب الشبت و البقدونس
و الفلفل هانبشرها او هانقطعها في الكبه اي حاجه


وهانجيب البيض



ونضيف الدقيق و الخضره كلها و ملح و كمون
و نقلبهم بالمضرب السلك لحد مانوصل للقوام السائل
شويه بس ماسك نفسه و ممكن نضف شويه ميه صغيرين لو احتاجنا



هانحط القرنبيط في الخلطه دي
وندهنه كويس من كل الجوانب



وعلى الزيت السخن عدل ونحمرها
وده شكها بعد التحمير







بجد جمييييله و مقرمشه و مش شاربه زيت خاااااالص

الف هنا وعافية

هيفولا