[هيفولا]

تشيز كيك باللبن الزبادي










المقادير:
مقادير الطبقه الاولى
2 باكو بسكوت اولكر كبير سادة
1 ملعقة كبيرة سمن بلدى
شوية لبن صغيرين
نخلطهم مع بعض في الكبه ونضغطه كويس في صينيه صغيره
وانا بضيف رشة جوز هند ع البسكوت
بتدى طعم حلو لما يتحمص وندخلها الفرن 5 دقايق

مقادير الطبقة التانية
3 قطعة جبنة مثلثات
2 ملعقة قشطة
2 ك دريم ويب
2 زبادى فراولة
2 فنجان لبن متلج
5 ملعقة سكر ناعم
ورقة جيلاتين
2 ك لبن نيدو صغير
ربع كوب ماء مغلى

الطريقة:
ننقع ورقة الجيلاتين بماء من الحنفيه ربع ساعه
نغلي ربع كوب ماء ونحط ورقة الجلاتين ف الماء المغلي
ونقلب كويس وشوية فانيليا ونسيبه يهدى
نضرب الكريم شانتيه باللبن المتلج
نضيف الجبنه النستو واللبن البودرة والسكر و القشطه و الزبادي ونضربهم بالمضرب
نصفي الجيلاتين ونضرب
نصب الخليط فوق البسكوت بالراحة ويدخل الفريزر ساعة ونص

الطبقة التالتة
حسب الرغبة بس انا استعملت جيلى فراولة
1 ونص باكو و2 كوب ماية

ندوب الجيلى فى كوب ماء مغلى ونضيف كوب ماء بارد
ونسيبه يهدى ونحطه فوق التشيز بعد التاكد من انها متماسكة تماما
ونحطه بمعلقة بالراحة

وادى الصور











الف هنا وعافية

هيفولا