الموضوع
:
حلى بسكوت نبيل
عرض مشاركة واحدة
#
1
11-16-2012, 07:26 PM
هيفولا
Super Moderator
تاريخ التسجيل: May 2010
المشاركات: 7,422
حلى بسكوت نبيل
حلى بسكوت نبيل
هذا حلى بسكوت نبيل المسكت
يكون فخم وجديد وتغيير عن المعتاد
وقد شفت وحده تقلب بسكوت سمسم في نستله وتغطيه بشعرية بكستانيه
فطرت لي هذي الفكره بما اني احب بسكوت نبيل في الحلى يعطي طعم مميز
وانا الحمد لله لي خبره في الحلى وهواية احب اتفنن فيه
نجيب بسكوت نبيل ونجهز الحشوة حقة البسكوت
وهي عباره عن كاس حليب محموس اشقر
ونعجنه بفنجال قهوة سكر وعلبة قشطه
وفنجال زيت ونعجنها بعدين نحشي البسكوت
شوفو الصور علشان تفهمو
صورة الحشوة بس انا كررت مقدار الحشوة مرتين لان الكمية كبيرة
طريقة حشو البسكوت
طبقه بسكوت بعدين حشوت نص ملعقة صغيره
يعني نخلي طبقة خفيفة مومرهدهن علشان يطلع طعم الحشوة
بعدين نغطي ببسكوته ثانيه
شفتو البسكوت الي محشي كريمه نفس كذا
بس احنا ندهن البسكوته كامله ونضغطها على خفيف
علشان نضمن انها مسكت في بعض كويس لحد ماتنتهي كل كمية البسكوت
بعدين نجيب حليب نستله(مركز محلى) ونغمس فيه البسكوت
ونحطها في مصفى واسع الفتحات ونحط تحتها صحن علشان ينزل الحليب الزياده
ويصير شكلها مرتب مايصير فيها كتل من التغطيه
وكل ما يجتمع اربع حبات نغمسها في التغطيه
التغطيه حطيتها ثلاث اشكال جوز هند محموس وهذا شكله
وهذا شكلها بعد ماتغطت بالكامل
صورة وهو في الصينية
وجزء قلبته في الكورن فلكس المجروش
وعلى فكره
من واقع التجربه كورن فلكس نستله اطعم واحلى بكثير من كلوقز
وجزء قلبته في سمسم محمص
حمصت السمسم في مقلاة تيفال على نار هادية
مع التقليب المستمر بدون اي اضافات
لحد ما صار لونه حلو ذهبي فاتح
وممكن تقلبيه في فستق مجروش بس اهم شي يكون الفستق
لونه اخضر يفتح النفس
وممكن تقلبيه في شعرية باكستانيه مكسره ومحموسة في زبده
وانا جربتها في مره غير هذي وكانت حلوه
او شعرية باكستانيه مخلوطه مع سمسم
باختصار انت وذوقك انت وتفننك
وبعدين رصيته في صينية التقديم بعد ما فرشنها بورق دانتيل
وخططت الوجه بهرشي شوكلاته
ونص علبة حليب نستله في الخلاط مع 3 حبات جبن كيري
وخلطتها لحد ماختفى الجبن زين
وخططتها بهذي الخلطه كمان يعني الخطوط نوعين ابيض وشوكلاته
هذا وهو مشخبط بالشوكلاته
وهذا بعد ما خطته بالشكولاته وخليط الكيري
سويه وانتي رافعه راسك والله طعمه خقاق وشكله فاخر
بس التصوير مخرب شكله لان الجوال كمرته رديه
الف هنا وعافية
هيفولا
هيفولا
مشاهدة ملفه الشخصي
إرسال رسالة خاصة إلى هيفولا
البحث عن المشاركات التي كتبها هيفولا