الموضوع
:
الهريسة المحشية بجوز الهند والمكسرات من الوسط
عرض مشاركة واحدة
#
1
11-11-2012, 10:22 PM
هيفولا
Super Moderator
تاريخ التسجيل: May 2010
المشاركات: 7,422
الهريسة المحشية بجوز الهند والمكسرات من الوسط
الهريسة المحشية بجوز الهند والمكسرات من الوسط
وبالصور -
النهاردة جبت لكم طريقة الهريسة المحشية
لما عملتها كل اللى أكلوا منها قالوا لى دى أحسن من بتاعة الراجل
وطلبوا منى أعمل لهم تانى
المقادير :
3 أكواب سميد
( لو جبتي نص كيلو هيتبقى منه نص كباية عشان الكوبايه مش كبيرة )
كوب جوز هند
كوب سكر
قليل من الفانيليا
باكو باكينج باودر
ملعقة صغيرة محسن خبيز
(لو معندكيش مش مهم )
2 علبة زبادى أو 3 علب لو العلب صغيرة
2 ملعقة سمن أو زبدة
الحشو :
جوزهند وزبيب ومكسرات حسب الرغبة
الشربات :
2 ونصف كوب سكر + 3 كوب ماء + ليمونة + فانيليا
الطريقة :
نجهز الشربات بوضع الماء والسكر على النار حتى الغليان
ثم نعصر عليهم الليمونة ونتركهم دقيقة ثم نطفئ النار ونضع الفانيليا
نترك الشربات حتى يبرد
نضع السميد + جوز الهند + السكر + الفانيليا + الباكينج باودر
+ محسن الخبيز ونخلطهم مع بعض زى كده
نضيف عليهم السمن
وعلبتين زبادى ونعجن
لو لقيناها لسه ناشفة نضيف القليل من الزبادى
حتى تصبح عجينة متماسكة زى كده
نحضر صينية مقاس 28 سم
وندهنها بالزيت ونفرد فيها نصف العجينة
ونضع عليها جوزهند وزبيب ومكسرات
نشعل الفرن
ونبدأ ناخد من العجينه ونبطط على اليد
ونضع فوق الحشو حته حته زى كده
ولما ننتهى من كل الصينيه
نبلل اليد بالماء وننعم سطح الهريسة
بعد كده ندخلها الفرن على درجة حرارة 240 درجة لمدة 25 دقيقة
ونشقيها بالشربات البارد فور خروجها من الفرن
اتفضلي حتة كمان عشان تدوقي
ها ... ايه رأيك ؟
ملحوظة :
عند فرد العجينة فى الصينية هيكون سمكها صغير جدا
أقل من نص سم وبعد ما تستوي هتلاقي سمكها زاد
لازم تستخدمى صينية 28 سم مع هذه المقادير
لو استخدمتى صينية أصغر هتلاقى سمك العجينة أكبر
ومش هتستوى كويس
لو صينيتك صغيرة قللي المقادير
جربوها
وادعوا لي
الف هنا وعافية
هيفولا
هيفولا
مشاهدة ملفه الشخصي
إرسال رسالة خاصة إلى هيفولا
البحث عن المشاركات التي كتبها هيفولا