[هيفولا]

الفلافل

فلافلي هالمره بالحمص
بدون اضافات فول ولا سمسم ولا غيره ..
يقال انها بهالطريقه الفلسطينيه

المقادير :

٥ اكواب حمص حب منقع مدة ١٢ ساعه او اكثر
انا خليته ٢٤ ساعه حسيته حب بقووووه

بصله حجم وسط مقطعه تقطيع كبار

كوب بقدونس مقطع عادي موب مفروم

كوب كزبره نفس الشي

نص كوب شبث او ربع كوب شبث ناشف يعني جاف

ملعقتين ونص ملح

ملعقتين ونص كمون

ملعقه بكنج باودر

الطريقه موضحه بالصور بس بعلق تعليقات بسيطه :

نبدا بفرم الحمص على دفعات



بعدها نفرم الورقيات بس بينهم نحط ملعقه من الحمص المفروم عشان تتحرك الفرامه اكثر



بعدها نفس الطريقه البصل وبنفس الطريقه نحط ملعقه من الحمص بين كل دفعه ودفعه



نخلطهم مع بعض الورقيات مع البصل والحمص لين يختلطون كويس



نفرمهم مره ثانيه لانوه بالمره الاولى بيكون خشن شوي
الحمص المره الثانيه بيكون انعم
بعد مانفرمها الفرمه الثانيه نحط البهارات
بسسسسس انتبهوا
ما نحط البكنج بودر لان الكميه بتكون كثيره



هنا خذيت منها شوي مارح اسوي كل الخليط يتفرزن عادي
الخليط الباقي حطيت عليه الباكنج بودر لانوه يحط قبل القلي



نبدا نحطها بالاله الخاصه او اذا ماهيب عندك تقدرين تكورينها عادي



يطلع مرتب شكلها بالاله



نصفها بالصينيه تجهيز للقلي



ونقلي اول وحده اختبار بما انه اول مره اسويها
فـ كانت تجربه لكن نااااجحه لا تخافون وتوسوسون مارح تتفكك معاكم




اطلعها بورق النشاف وشوفوا شكلها مررره لذيذ
ذهبيه ومتماسكه وطعمها مايحتاج



لقطه من الداخل

وهنا اقدمها مع صوص الطحينه ( طحينه سايله + ثوم مهروس + ماء بارد + ليمونه )






وبالعافيه عليكم



هيفولا