[هيفولا]

سلطات روعة

أوضحت دراسة أمريكية ان تناول كميات كبيرة من السلطة
او الخضراوات النيئة بشكل عام
يرفع من مستويات العديد من المواد المغذية الهامة في الدم.
واكتشف باحثون ان تناول خضراوات نيئة مرة واحدة فقط في اليوم
يعطي المرء قدرايقارب القدر الموصى به
من فيتامينات أ وهـ وب6 وحمض الفوليك

3 انواع سلطه

1_ سلطة قالب البطاطس
2_ سلطة الجرجير السهله
3_ سلطة البقوليات الحارة

1-سلطة قالب البطاطس

هذي سلطة حلوة خصوصا في التقديم

تسلقين بطاطس ولما يستوي تهرسينه
وتخلطين معه ملح ورشة فلفل اسود وجبن سايل

للتقديم
جيبي صحن صغير وبطنيه ببلاستيك
حطي البطاطس فيه ووقت التقديم اقلبيه في صحن اكبر
حطي عليه اي مكونات سلطه انتي تحبينها
انا حطيت ذره وفاصوليا حمرا وبقدونس

ويتقدم معها صوص ينحط في صحن او كاس نحيف
على جنب صحن السلطة

عباره عن
زبادي
ملعقتين جبن سايل
ملعقه طحينه سايله
ملح وليمون
ملعقة كاتشب

وهنا صورتها مع الصوص

سلطة الجرجير السهله

هذي سلطه لذيذه مره ماينشبع منها

وسهله مررررررره

عباره عن
بطاطس وفلفل اخضر بارد وبصل مقطعين اصابع
حطيهم في صينية فرن
مع شوي زيت زيتون وملح واوريغانو
دخليها الفرن لما تستوي
وبعد ماتبرد
جيبي جرجير وحطيه طبقة اولى
في صحن التقديم وفوقه اصابع البطاطس

الصوص
تقريبا نص بيالة زيت زيتون
3 ملاعق خردل
ليمون
وملح واوريغانو
خلطيه نص الكميه مع الجرجير
والباقي صبيه فوق البطاطس



سلطة البقوليات الحاره

هذي سلطة حاممممضه وفيها حراره

عباره عن
علبة حمص
علبة فاصوليا حمراء
حبة فلفل اخضر بارد مقطع صغير مرة
بصله صغيره مقطعه صغار مرة
مخلل خيار مقطع صغار مرة

الصوص
نص علبة كاتشب وممكن اقل عشان ماتصير حامضة بزيادة
بيالة ونص زيت زيتون
ملعقة كبيرة خردل
ملعقتين كبار سماق
شوي خل
ملح وليمون وشطة حسب الرغبة

والف هنا وعافية

اختكم/هيفولا