الموضوع
:
طريقة تحضير المطبق بثلاث وصفات بالصور
عرض مشاركة واحدة
#
1
10-10-2015, 07:57 PM
هيفولا
Super Moderator
تاريخ التسجيل: May 2010
المشاركات: 7,422
طريقة تحضير المطبق بثلاث وصفات بالصور
طريقة تحضير المطبق بثلاث وصفات بالصور
اليوم جايبتلكم مطبق وبثلاث
حشوات .
حشوة البيض واللحم
حشوة الجبن التشدر
حشوة الموز .
طبعا يلزمك عجينة مطبق ، ممكن تصلحينها بالبيت
انا استخدمت نفس عجينة السمبوسه
وصلحت فيها المطبق
وإذا حابه تشترينها من السوق مافي ألذ من عجينةمطبق غوار
وممكن تستعيضين عنها بعجينة مطبق
من المخابز .
ايضاً يلزمه طاوه او مقلى
بالاضافه لمقادير الحشوه
اللي تبين .
وقليل من الزيت ان حبيتي لتلميع الوجه .
نبدأ
بحشوة البيض :
المقادير:
طبعا المكونات حسب ذوقك . وجميعها اختياريه ،
يعني ممكن تستغنين عن اللحم ، او البندوره .
بس إذا تبين المطبق مثل السوق الافضل
لو تستخدمين كل المقادير اللي ذكرتها
لحم
مفروم
بصل اخضر
مفروم
كراث مفروم
والافضل تكون كميته اكثر من اللحم .
طماطم بندوره
مقطع صغير
بيض
قليل من الزيت
لتحمير اللحم
فلفل أسود
وبهار إذا حبيتي
ملح
الطريقه:
نقلي اللحم بشوي زيت ونضيف له الفلفل الاسود
وإذا تفضلين بهار ممكن تضيفين البهارات اللي
تفضلينها .
ونقلب حتى ينضج
بعد النضج
في وعاء أكسري بيضه او بيضتين حسب مقاس المطبق
اللي عندك واخلطيها مع الملح والفلفل
بس انتبهي لاتخلطينها كثير عشان ماتكون سائله
وتسيح مجرد خلط مع الاحتفاظ بتماسكها
واضيفي عليها المكونات ( لحم ، بندوره ، بصل أخضر كراث)
واخلطي
نجي لتطبيق المطبق راح أذكرلكم طريقتين
على فكره المطبق
اللي عندي مقاسه كبير .
الطريقه الأولى:
افردي حبة مطبق وصبي عليها الحشوه
وطبقيها بهالشكل
واهم شي تاكدي انك مطبقتها زين عشان مايسيح البيض .
وادهني الطاوه بشوي زيت .
واقلي المطبق على الجهه المفتوحه اللي فيها الطبقات مثل هالصوره
.
راح ينفخ معك المطبق
لان البيض ينضج اول مايحمر اقلبيه على الوجه الثاني
ووادهني الوجهين اثناء التقليب عشان يطلع شكلها محمر وحلو .
وخلصنا
نجي
لطريقه ثانيه
في حشو المطبق:
ادهني الطاوه بالزيت
وافردي عليها طبقه من رقاقة المطبق بهالشكل
صبي الحشوه وحاولي تبعدينها شوي عن الاطراف
وعلى طول غطيها برقاقه ثانيه
وحاولي الاطراف تضغطينها عشان تلزق
ومايزحلق
الحشوه
تقلب حتى تحمر
ترفع من على النار و تقطع وتقدم مع الليمون والفلفل الاخضر
.
حشوة الموز :
بالنسبالي احب حشوة الموز مافيها فزلكه بسيطه وخاليه من أي اضافه ،
ممكن إذا تحبين تضيفينلها سكر بودره ،
بس على فكره السكر ممكن يخلي الموز يسيح من المطبق
وايضا ممكن يتكرمل عليك لذلك يبيله شوية حرص،
ولو اني اشوف لو تستخدمين موز من نوعيه جيده وناضج يكون ألذ .
نبدأ الطريقه قطعي الموز لحلقات ووزعيها بالمطبق ( لاتخافون الموز راح يذبل
عالنار ماراح يبين قطع)
طبقيها بالطريقه
اللي تعجبك ونضجيها عالنار
حشوة الجبن :
استخدمت جبن تشدر
مبشور وطبقيها بالطريقه اللي تريحك
ايضا تقطع وتقدم ساخنه .
و صحه وعافيه .
هيفولا
هيفولا
مشاهدة ملفه الشخصي
إرسال رسالة خاصة إلى هيفولا
البحث عن المشاركات التي كتبها هيفولا