الوصفة دى لمحبى النوتيلا ومحبى الشوكولا بشكل عام (زيى كده خخخخ) عبارة عن طبقة من البسكويت المقرمش وفوقه طبقة غنية بطعم الشوكولا والنوتيلا كريمية القوام .... حلاها معتدل متماسكة من غير ما تكون جامدة ..... تذوب في الفم بمجرد ما تضعيها في فمك وعليها خطوط من الجناش لتوازن الطعم ولاعطاء شكل جمالي المقادير:للقاعدة (الكراست): 1 علبة بسكويت دايجستف صغيرة 50 جم زبدة سايحة 1 ملعقة كبيرة سكر **اول شيئ نغلف صينية التشيز (استعملت مقاس 18 لانى احبها عااااااااااالية) عشان نضمن ان الماء لا يدخل على الصينية ويخرب الدنيا (وسواس عندى) ....نجيب فويل من النوع القوي ونفرشه على القاعده ونقفل الصينية عليه ونخلي اطرافه خارجها..... ثم نثني اطراف الفويل على اطراف الصينية الخارجية ونكون حذرين عشان ما نخرمش الفويل ويبقى يا ست تيتى كانك لا رحتى ولا جيتى (فوتو فوتو) **نطحن البسكويت في الخلاط ونخليه شبه مجروش (انا باحبه كده وممكن تخلوه بودر) **نضيف عليه الزبدة مع السكر **نفرش البسكويت في الصينية ونرفعه على الاطراف ونضغط عليه باي شيء متوفر عندك [ انا اضغطه بقاعدة الكأس ] وندخله الفرن الساخن لمدة 7 دقائق عشان يتحمص البسكويت ونطلع الصينية ونخليها تبرد على ما نكمل الخطوات مقادير خليط التشيز كيك : 1 كاس نوتيلا 300 جم جبن كريمى (فيلادلفيا) وممكن كيرى تقريبا 18 مكعب 3\4 كاس سكر 1 ملعقة صغيرة فانيليا 1\2 كاس كريمة خفق 220 جم شوكولا حلوة 2 بيضة 2 صفار بيضة (المقادير لاااااااااااازم تكون بحرارة الغرفة) **نخلط الجبنة مع النوتيلا حتى يمتزج الخليط **نضيف السكر ونخلط حتى يمتزج الخليط **نضيف الكريمة والفانيليا ونكمل خلط **والخلاط شغال نذوب الشوكولا في حمام مائي حتى تذوب تماماً **نضيف الشوكولا الذائبة على الخليط ونخلط **نضيف البيض حبة حبة مع الخلط شكل الخليط بعد ما انتهينا من إضافة كل المقادير.... ناعم الملمس كريمى ولذيذ الطعم (عرفتى منين؟؟ طبعا لهطت لى شوية خخخخ) ** نصب الخليط فى الصينية [ هذه فقاعات هواء ليست كتل بالخليط ] **في حمام مائي ندخل الصينية الفرن المسخن على 160 م لمدة ساعه وربع او اقل حسب حرارة كل فرن هتكون اطرافها تماسكت والوسط شوية طري يهتز معك عشان نضمن ان اي تشيز كيك مطبوخ ما يهبطش بسرعة نخليه فى الفرن والباب مفتوح بعد ما طفينا الفرن حتى يبرد 6 ساعات **ندخل صينيتنا الثلاجة حتى تبرد والافضل اقل شيء 4 ساعات يتبع